Luka 24:36 - O Mikanda Ikola

³⁶ Ene kioso ki ala mù zuela kiki, Jezú muène u tukulukila bhu ʼaxaxi-kâ, anga ua ambela, uixi: O uembu u kale ni enu.

Luka 24:36 ပူးပေါင်းရင်းမြစ်များ

Izaía 57:18

Eme ngala kumona o jinjila jâ, phala ni ngʼa sake, ngʼa batesa ue, hé ngʼa bhana dingi o kukondama ni ene ni mundu uâ ua di-kuata o mukondo ua kudila.

Matesu 10:13

O dibhata se di kala dia athu a ujitu, o paze ienu iiza ku thandu diê; se di kala dia athu a kambe ujitu, paze ienu i mi vutukila.

Marku 16:14

Jezú anga u tukulukila kiua ene oso, o kuinhi ni umoxi, kia xikama mu kudia, he u a bazela mukonda dia kuxibhaka ni kukola o muẋima, mukonda nguauâ kuxikana kia zuela io oso a mu mono ua fukunuka.

Luka 10:5

Inzo ioso i mua kà bokona, mu dianga kuila: O kutululuka kukale mu dibhata didi.

Nzuá 14:27

Enu nga mi xila o kutululuka kuami; o kutululuka kuami ku nga mi bhana. O kuami eme ki ngi ku bhana kala ki ku bhana o mundu. Mixima ki i mi kenane, ki mu kale ni uôma.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Nzuá 20:26

Kia bhiti nake dia izuua, jixibulu ji kala luamukuá mʼ onzo, ni Tomé iú momo. Jezú anga uiza, sumbala o mabhitu mòjike kiá, anga uimana bhu ʼaxaxe kâ, uixi: O uembu u kale ni enu!

Jipoxolo 1:3

Kuma kia zubhile kubhita ni phaxi ia kúfua kuê, Jezú ua di tukulula ni muenhu kua ene, ni ijidisu iavulu i zubha o jiphata, kuila uala muene ku muenhu. Kuma o Jipoxolo, Jezú ua a monekena jinga mu makuinhi auana a izuua, anga u kuata ku a zuelela o ima ia tokala ku Utuminu ua Nzambi.

I Kolindo 15:5

anga u dianga kutukulukila Phetele, hé u tukulukila kiua o kuinhi ni kiiadi.

I Kolindo 15:7

Uana, ua tukulukila Tiiaku, o tanu, u tukulukila Jipoxolo joso.

II Tesalonika 3:16

Kiki muène, Ngana ia kutululuka, a mi bhane jinge kutululuka mu ima ioso.

Dijingunuinu 1:4

Eme Nzuá, nga sonekena sambuadi dia ngeleja jala mu Azia: O kiadi kikale kienu, ni paze i tunda kua Nzambi ua kexile-ku, kiki iu-ué, ni hádia muène ua kala-ku, ni ku sambuadi dia nzumbi jene bhu kiandu kiê,