Luka 24:32 - O Mikanda Ikola

³² Anga a di ambela mudiâ, exi: Manhi kiene o miẋima ki ia kexile mu ku tu lema moxi, muène kia kexi ku tu zuelesa mu njila, ni ku tu jimbuila o maka mòsoneke mu Mikanda ia Ngana?!

Luka 24:32 ပူးပေါင်းရင်းမြစ်များ

Jisálamu 104:34

O kubanza kuami kua muẋima kua muene, ku kale kua kusanguluka; ngi sangulukila jinga kua Jihova.

Jisálamu 39:3

Kathangana muẋima ki ua xikina dingi, mu kubanza ni kubanza, túbhia tua uama; anga ngi zuela kiua ni dimi, ngixi:

Jisabhu 27:17

Felu ni felu i zuika mukuá, kiene ue kamba ni kamba a di bhetula miẋima.

Jisabhu 27:9

Mukua ni maji ni ima ia mazumba ki i tanesa o muẋima, kiene ue o kaiula ka dikamba ki ka tanesa o haxi ia kate.

Izaía 50:4

Jihova Nzambi ua ngi bhana dimi dia uanji, phala uoso ua bhuila ngʼijiie ku mu tela tumaka tua mbote tu mu nhohesa bhu thembu ia tokala; muene mukua ku ngi phaphumuna imene ioso, uphaphumuna dítui diami ni dʼivue, kala ki kala a-di-longi.

Jelemiia 15:16

Maka mé kioso ki nga ma sange, nga ma di lusolo, kuma maka mé ma ngi kala kutana ni kusanguluka mu muẋima uami; kuma a ngi luku dijina dié, eie u Jihova, Nzambi ia Ilombo Ieta.

Jelemiia 20:9

Bhenhobho-phe, eme ngixi: Kuabhu nga te maka, nguami dingi ku tanga kima mu dijina dié. Maji-phe o maka mé mu muẋima uami medi kala túbhia, tua uama, tuʼojikile mu ifuba iami; nga bhuila ni kutala hadi, nga lémbua kiá.

Jelemiia 23:29

Jihova ua ki tange, uixi: O maka mami manhi kasoko ni túbhia, kʼedi kala malatelu i sasujula ditadi?

Marku 4:34

Ka a tangela kima se kifika. Maji ku ubheka, jixibulu je u a lomboluela jinga ima ioso.

Luka 24:45

Bhenhobho anga u a jikula o ilunji, mu kutetulukila o kuívua kiambote o Madivulu a Ngana, uixi:

Nzuá 6:63

O Nzumbi ia Nzambi muène u bhana o muenhu; o muthu ka tena-phe kubhandulula kima. O maka iá, u nga mi tangela-nâ, a Nzumbi ni muenhu.

Jipoxolo 28:23

Kia mu bhana kizuua kia tokala o kudimona dingi, avulu muene a mu sanga mʼonzo mua tula. Muène anga u a lomboluela maka, u bhana umbangi ua Utuminu ua Nzambi. U sota ku a xikanesa ni maka ma tundu mu Kitumu kia Mozé ni mu madivulu ma Jipolofeta, tunde kimene katé ngoloxi, kuila Jezú muene Kristu.

Jihebeleu 4:12

Kuma o kizuelu kia Nzambi kima kia muenhu, ki ala ni kutena. Kia beta kutua o xibhata ia mazu a iadi ndenge. O kubatula kuê, ki sesa ni muenhu, ni nzumbi, ni masokuelu, ni uongo ua ifuba. Ki tungula ni jivondadi, ni mabanzelu ma miẋima ia athu.