Luka 24:27 - O Mikanda Ikola

²⁷ Anga ua andekela ku madivulu a Mozé, hé u bhita mu madivulu a jipolofeta joso, ni ku a jimbuila ima ioso iòsoneke mu Mikanda Ikôla ia Nzambi, ia mu tokalele muène.

Luka 24:27 ပူးပေါင်းရင်းမြစ်များ

Dimatekenu 12:3

Nga kà a benzela oso a ku benzela eie, nga kà bhubhidila oso a ku bhubhidila eie; momué muene mua kà zediuila o miiji ioso mu ngongo.

Dimatekenu 22:18

ku mbutu ié kuene kua kà zediuila ifuẋi ioso mu ngongo; mukonda ua tumaka dízui diami.

Dimatekenu 26:4

ngi sokolola mbutu ié kala jithéthembua ku diulu, mbutu ié ene nga a bhana jixi josoʼiji; ku mbutu ié kuene kua kà bhandulukila miiji ioso mu ngongo.

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

Jisálamu 132:11

Jihova ua te ni Davidi, kikutu kia mulôko, ka ẋikina dingi kualuluka; kuma uambe, uixi; Mona u tunda ku mukutu ué muene u ku bhingana bhu kiandu.

Izaía 1:23

Makota mé ma mbonge a bhukumuka, a di bundu kumoxi ni miii; kala muthu mudiâ, ki ua a monuʼokio, a uabhela kitadi kia kudiodia milonga, bhua mona o nganhu usanga aia lusolo; hukunhu, o ku mu batuila milonga, u a lémbua; kene kusuua dimanda dia atudi.

Izaía 50:6

O dikunda diami ngi di bhakuila ió oso a ngi beta, oso a ngi vuza o muezu eme ngʼa ehela o matama; bhu kala o ku ngi tembula ni ku ngi thuthuina mathe, pholo iami ki ngi i sueka, kana.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Izaía 8:17

Eme ngi dielela kua Jihova, muene ngi mu xikamena, sumbala o dibhata dia Jakobo ua a suekela o pholo.

Izaía 9:1

Maji oxi ia bhondelekele ki ia kà xalela mua vundu, kana; kuma iene ia sekalele kiá mʼukulu, oxi ia Nzebulone, ni oxi ia Nafitali; maji o ku iezʼuku, oxi a i zangeleka bhu mbanduʼa njila ia musanza ua Kalunga; ku sámbua dia Njolodá, ku Ngalileia ia matumbu!

Izekiiele 34:23

Anga nga kà jʼimikina mubidi umoxi ngó u kala ku thandu diâ, muene hé ua kà jʼinga; o mubhikʼami Davidi muene ua-nda kua kà jʼinga; muene ua-nda kukituka kafunga kâ.

Izekiiele 37:25

Hé a kà tunga mu ixi i nga bhana kua mubhikʼami Jakobo, mu ixi mua tungile o jitata jenu; hé a kà tunga muenhomo, ni ene ni anʼâ, ni ana a anʼâ, katé ku hádia ni hádia; o Davidi, dia mubhikʼami, muene u kala-mu o muadiakimi, katé ku mivu ni mivu ki iene kúbhua.

Daniiele 7:13

Talesa, eme-phe ki nga kuata muene kutala, mu isuma iami ia usuku, nga mono ku matuta ma diulu kua-lu tuluka kala Monʼa muthu ua mu kuiza; iú ua bhiẋi la kua Mukula-ua-Ndamba, anga a mu bhiẋidisa bhu pholo iê.

Mikeia 5:6

Ene anga a kà buidisa oxi ia Asídia ni xibhata, kumoxi ni ixi ia Nimilode katé ni bhu mabokuenu mê. Bheneʼobho anga muene ua kà tu kudila bhu maku ma Asídia, kioso kia kʼèza mu ixi ietu mu ku i lua, ni ku diota mu jimbambe jetu.

Mikeia 7:20

Mu kienhiki, Nzambi ua kà londekeza o ufiiele uê kua Jakobo, ni henda iê ia kuatela Mbalahamu, kala kia lokelele o jitata jetu tunde mu izuua ia xahúlu.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Dialuilu 21:14

Kiene kia ki tela ku mukumbi ua ita ia Jihova, exi: Vehebe mu Sufale, Jihonga ja kutuka mu Anone,

Marku 4:34

Ka a tangela kima se kifika. Maji ku ubheka, jixibulu je u a lomboluela jinga ima ioso.

Luka 24:25

Muène anga ua ambela, uixi: Enu tata, mua xiti kinène mu thulu, enu mua kokoloka muẋima mu kuxikana ima ioso ia zuela o misèsedi!

Luka 24:44

Anga ua ambela, uixi: Ene o makʼ ami u nga mi ambelele ki nga kexile hanji ni enu, kuma ima ioso ia bhingi i bhita, iòsoneke mu Kitumu kia Mozé, ni mu madivulu a Jipolofeta, ni mu Jisalamu, ia ngi tokala eme.

Nzuá 1:45

Felipe anga u sota Natanaiele, u mu ambela, uixi: Etu tua sange muthu ió a mu soneka kua Mozé mu divulu dia Kitumu, iá a mu tange ue mu Mikanda ia jipolofeta. Muène Jezú, mukua Nazalé, monʼ a Zuze.

Nzuá 12:41

Imʼiíi Izaia ua i tangele, mukonda ua muene ungana ua Jezú, iu ua mu tumbula.

Nzuá 5:37

Ni Tata muene ue ua ngi tumu, uala mbangi iami. Enu kana kizuua ki muevile dízui diê, kiluua mu mona o pholo iê.

Nzuá 5:39

Enu muene mu kutanga mu madivulu ma Nzambi, mukonda mua fika kusanga muenhomo o muenhu ki uàbhua. O Madivulu enhó, jene-phe jimbangi jami jala ku ngi tanga eme.

Jipoxolo 10:43

Muenʼiú ni jipolofeta joso ja mu kala jimbangi, kuma ene a mu tange kuila uoso u mu xikana, u tambula muloloko ua ituxi mu dijina diê.

Jipoxolo 3:18

Maji o Nzambi ima ioso-phe ia tanga mu kanu dia jipolofeta mʼ okulu, kuila o Kristu iê ua kà mona jiphaxi, muène ua i bhitisa kienʼiki.

Jipoxolo 3:22

Mukonda Mozé muène ua ki amba, uixi: Ngana hádia ua kà mi tubhuila polofeta mukuâ ni eme. O musèsedi muenʼió ua kà tunda mu ʼaxaxe ka mundu uenu muene. Enu-phe ivenu ioso ia kà mi tangela.

Jipoxolo 3:24

Katé muene ni jipolofeta joso, tunde kua Samuuele, ni akuá oso a mu kaiela, oso kiá a zuela-jinga, izuua ienʼii a i tanga jinga.

Jipoxolo 7:37

Muene Mozé umoxiʼú u tangela anʼ a Izalaiele, uixi: Ngana hadia ua kà mi zangelekela mu ʼaxaxe ka jiphange jenu enu-enu, polofeta mukuâ ni eme.

Jipoxolo 8:35

Mu ku mu lomboluela Felipe anga u kuata kuzuela, u andekela ku makʼ ama mʼosoneke mu Mikanda ia Ngana, anga u mu tudila o Njimbu Iambote ia Jezú.

Matendelelu 1:45

O ki mualuluka, anga muiza kudidila Jihova, Jihova kʼevu o kudikola kuenu, mba ku mi suua dingi.

Matendelelu 18:15

Jihova Nzambi ié ua kà ku balumuina polofeta momué, muʼaxaxe kaʼphange jé, mukua nʼeme; muenhó muene kiá mua kà mu ivua.

Dijingunuinu 19:10

Eme anga ngi di bhala bhu inama ia anju phala ku mu bheza. Uixi-phe: Kana ku ki bhanga! Eme ue ngi selevende ni mukuenu, nga sokela ni phange jé oso a kuata o umbangi ua kidi kia Jezú. Bheza Nzambi! Kuma o kidi kia umbangi ua Jezú, uene o uanji u bhana huii ku jipolofeta.