Luka 24:26 - O Mikanda Ikola

²⁶ Kifua ki kia tokalele muene kuila Kristu nʼa bhite ni jingonjuʼojo, ni a tambule kiua o Ungana uê uoso kua Nzambi?

Luka 24:26 ပူးပေါင်းရင်းမြစ်များ

Dimatekenu 22:6

Mbalahamu anga u katula o jihuinhi ja sata ia kuoha, u ji tuika monʼê Izake; muene anga uambata túbhia ni mukuale anga aia kumoxi kiiadi kiâ.

Daniiele 9:26

O kia kà bhua o makuinhi asamanu a jisemana ni semana jiiadi, Mexiia a kà mu katula-ku, kà mu mona dingi; o mundu ua kilamba kia kèza-ku, ua kà buikisa o diembu diosuʼodio ni Tembulu, o dizubhilu diâ dia kà a bhitula mukuâ ni menha a disenza; kuà kala-phe ita mu ita katé bhu dizubhilu, oko a xindi-bhu ibuika.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Luka 24:44

Anga ua ambela, uixi: Ene o makʼ ami u nga mi ambelele ki nga kexile hanji ni enu, kuma ima ioso ia bhingi i bhita, iòsoneke mu Kitumu kia Mozé, ni mu madivulu a Jipolofeta, ni mu Jisalamu, ia ngi tokala eme.

Luka 24:46

Kiene kia soneka, kuma Kristu u tokala u bhita mu jiphaxi, hé u fukunuka ku ʼalunga mu kizuua kia katatu.

Luka 24:7

Monʼ a Muthu ua bhingi ku mu thelekala bhu maku ma akua ituxi, ni ku mu phaphela ku dikulusu, ni kufukunuka mu kizuua kia katatu.

Nzuá 2:22

Kia zubha-phe Muène kufukunuka mu afi, jixibulu jê ja lembalala kuma muène kiki ua ki zuelele; anga a xikana o Mikanda Ikôla, iòsoneke, ni maka ma Jezú.

Nzuá 20:9

(Mukonda ene o maka mòsoneke mu Mikanda Ikôla ka mʼejidile luua, kuila Jezú ua bhingi u fukunuka mu afi.)

Jipoxolo 17:3

hé u a jingunuina o Madivulu ma Nzambi ni kuidikisa ni kulombolola kuma kia fuamene Krsitu ku bhita ku jiphaxi ni kufukunuka ku ʼalunga. Uixi-phe: Jezú muenʼ iú nga mi tangela-nê, muène Kristu.

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.

I Phetele 1:11

Ene a bhindamenene kuijiia mba thembuʼ oio i bhixila kithangana kuẋi, ni kuiza kuê mba kubhita kiebhi. O Nzumbi ia Kristu ia kexile moxi diâ, ia edikisa jinga o thembuʼiii, ki ia tuamene ku a ejidisa o jiphaxi janda kubhita na-ju Kristu, ni jimbote joso janda kukaiela-ku.

I Phetele 1:3

Tu sakidilienu jinga Nzambi, Tata ia Ngana ietu Jezú Kristu! Mukonda muène mu kulenduka kuê kuavula kinéne, ua tu bhana dingi muenhu uobhe, kia fukununa Jezú Kristu mu madifundu. Kienʼiki o miẋima ietu iezala ni kudielela kua kidi.