Luka 23:56 - O Mikanda Ikola

⁵⁶ Anga a vutuka ku bhata, hé a iudika ima ia uabha o mazumba phala o mukutu ua Jezú. Kia Sábhalu anga a ki nhoha, kala kia tumu o kijila.

Luka 23:56 ပူးပေါင်းရင်းမြစ်များ

II Malunda 16:14

Inga a mu funda mu mbila iêmuène, ia di kandeia mu mbonge ia Davidi, anga a mu zekesa bhu hama iezalesa ni ima ia mazumba ni ima iate kiavulu, iò iudike kuala jimesene ja ima ia mazumba ma mbote; anga a mu bhangela kiohela kionène ni ima ienʼiii.

Makatukilu 31:14

Mukonda dia kiki mu kuata jinga o sabhalu, kuma kizuua kienu kikôla; uoso u ki fukula a mu jibha; o uoso u kalakala kizuua kienhókio, muenhu ió ua tokala ku u batula mu kaẋi ka jindandu jê.

Marku 16:1

Kia bhiti o sabhalu, Madiia dia Manda, ni Madiia mamʼa Tiiaku, ni Salomé, a sumba ima iauabha dizumba phala kuia mu ku uaia o mukutu ua Jezú.

Luka 24:1

Kia lumingu-phe, o kizuua kiadianga kia semana, mu kafukufuku, eza bhu mbila mù bheka o ima ia mazumba ia iudika.

Matendelelu 5:14

Maji o kizuua kia kasambuadi kiangene kia Jihova, Nzambi ié; mu kizuua kiki kana kukalakala-mu, né eʼmuène, né monʼé ua diiala mba ua muhatu, né selevende ié ia diiala mba ia muhatu, mba ngombe ié, mba kabulu ké, mba kibhaku kioso-kioso kia ku tokala, mba musonhi ua ku tula ku lumbu lué; mbé o selevende ié ia diiala ni ia muhatu anhohe-ku ue kala ki ua nhoha eie.