Luka 23:43 - O Mikanda Ikola

⁴³ Jezú anga u mu ambela, uixi: Kidi ngi kuambela: Lelu muene ua kà kala ni eme ku kididi kiambote mu Palaízu ia Nzambi.

Luka 23:43 ပူးပေါင်းရင်းမြစ်များ

Jisálamu 32:5

Ngixi-phe: Kota ngi di xikina kituxi kiami ko koué, o kuêla kuami ki ngi ku sueka; o ki ngedi ngi fisala kutondala kuami kua Jihova, eie kindala ua ngi loloka o kituxi ni mulonga.

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Izaía 65:24

Anga kia kà bhita, kuila ene kiluua a zubha kuixana, eme nga kʼètaia kiá; kuila ene kiluua ngó a zubha kuzuela, eme ngevuʼami kiá.

Mikeia 7:18

Nzambi, nanhi muene u soka nʼeie, eie u loloka o ituxi anga o kubhukumuka kua mbandu ia iá a subhuka ku undundu ué u ku jimba kiá? Ngana kene kuila o njinda iê u i bhaka katé ku hádia ni hádia, mukonda muene kia mu uabhela kiavulu, o ku kuatela henda.

Luka 19:10

Mukonda Monʼ a Muthu ueza mu kusota ni kubhulula kioso kia jimbidila.

Luka 23:42

Uixi dingi: Jezú, ngi lembalale, hádia ki uiza ku Usobha mu Utuminu ué.

Nzuá 14:3

Se ngai, anga ngi mi iudikila kiá kididi, hádia ngiza, ngi mi tambulula ko kuami; o kuoso ku ngala eme, enu uenu kuene ku muà kala.

Nzuá 17:24

Tata iami! Nga mesena enhó oso ua ngi bhana-nâ, a kale ni eme koko kuoso ku ngà kala. Nga mesena kuila a mone kijingu kiami ki ua ngi bhana, kuma eie ua ngi zola tunde ʼbhuoso bhaná, mu ngongo kiluua mu kala dimatekenu diê.

II Kolindo 5:8

Tua suina dingi kiengi, kieju tu uabhela kuila tueha kutunga mu mukutu iú, anga tuia mu kutunga ni Ngana.

Filipe 1:23

Ngala-phe bhu kibhidi kia ngi phopheka ku mbandu ni mbandu, mukonda ngala ni vondadi iavulu ia kukatuka kunu, phala kuà kala-mi kiá ni Kristu; kuma ujitu uê u kala kotʼ èlele.

Jihebeleu 7:25

Uila kiki, muène ua soko-bho kubhulula katé kia zubha, ene oso ejiia kua muène, ni a bhixile kua Nzambi. Kuma Jezú ua kalé kiá ku muenhu mu ku a diondela jinga.

Dijingunuinu 2:7

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, muenhó ngi mu bhana kùdia ku muxi ua muenhu uene mu Palaizu ia Nzambi.