Luka 23:4 - O Mikanda Ikola

⁴ Pilatu anga uambela o makota ma jinganga, ni kifuẋi kia athu ala-bhu, uixi: Muthu iú ki nga mu mono ni kituxi ki tokala ku mu êlesa.

Luka 23:4 ပူးပေါင်းရင်းမြစ်များ

Matesu 27:19

Kioso ue kia xikama Pilatu bhu kibhuna kia kufundisila, mukajiʼê u mu tumikisa njimbu, uixi: Muthu ió kala ni kituxi, eie kana ku di ta mu mulonga uê; kuma ku nzoji lelu nga mono phaxi iavulu mukonda diê-muène.

Marku 15:14

Kuala Pilatu: Phala-hi? O kituxi kie kia te, kiahi? Ene-phe a suina dingi ni ku di kola, exi: Mu te ku dikulusu! Mu te ku dikulusu!

Luka 23:22

Pilatu anga ua ambela lua katatu, uixi: Phala-hi! Kima kiahi kiaiibha kia bhange uenhú? Ki ngi mu mono ni kituxi ki tokala ku mu jibha! Nganda ku tuma ku mu betesa, hé ngi mueha.

Nzuá 18:38

Pilatu, uixi: O kidi ki kala kiebhi? Kia zuela kiki, u tunda dingi ku kanga kua xala o Jijudé, anga ua ambela, uixi: Eme ki ngi mu mono ni kituxi.

Jipoxolo 25:25

Eme-phe ki ngi mu mono ni kituxi ki tokala ku mu jibha. Kuma-phe o muène ue ua fundila kubhiẋila kua Muenexi, eme ue kuene ku nganda ku mu tumikisa.

Jipoxolo 3:13

O Nzambi ia jitata jetu, Nzambi ia Mbalahamu, Nzambi ia Izake, Nzambi ia Jakobo, muène ua fumanesa Monʼê Jezú. Maji enu-phe mua mu bhakuile enʼuenu bhu maku ma atumini, mua ditunine-nê bhu pholo ia Pilatu, kioso Pilatu muène kia mu fundisile kiá, uixi, ngi mu jituna. Enu-phe muixi kana ku mu jituna.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.

I Phetele 1:19

maji a mi kula mu manhinga ma te kiengi, kifua ma kambudi ki ka moneka kisému, mba dixaka, o manhinga ma Kristu.

I Phetele 2:22

Muène muthu ka tele kituxi, mu kanu diê ki mua monekene makutu.

I Phetele 3:18

Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.