Luka 23:34 - O Mikanda Ikola

³⁴ Jezú-phe uixi: Tata, athu iá a loloke. Mukonda kejiia kioso kiala kubhanga! Ene anga a uana izuatu iê ni ku i tela jisorte.

Luka 23:34 ပူးပေါင်းရင်းမြစ်များ

Dimatekenu 50:17

Mua kàmbela Zuze, kuma nga mu diondo, a loloke jiphange jê, o kikuma ni kituxi kiâ kia ku tele, kuma a ku bhangele muene phulu. Kiki-phe tua ku diondo, loloka kituxi kia jiselevende ja Nzambi ia phaienu. Zuze anga u kuata kudila kioso kiala ku mu zuelesa kiki.

Jisálamu 22:18

A uana mudiá o izuatu iami, divunga diami a di tela jisorte.

Izaía 53:12

Mukonda dia kiki, nga-nda ku mu katuila dikânda diê ku athu a vulu, sumbala muene ua-nda kuuana o madibhundila kumoxi ni mazonda; mbata ua lundulula o muenhu uê muʼalunga, a mu bundile kumoxi ni ifumbe; maji muene ua di tuika o ituxi ia athu avulu; iú uala kudiondela akua-ituxi.

Matesu 11:25

Kumbi dienhódio Jezú anga u kumbulula, uixi: Nga ku ximana Tata, Ngana ia diulu ni oxi, mukonda imʼ iii ua i sueka, jinjimu ni adimuka ka i mono, maji ua idikiza anandenge.

Matesu 11:26

Kiene bá Tata, kuma kiene kia ku uabhela kubhanga!

Matesu 5:44

Eme-phe ngi mi ambela: Zolenu nguma jenu; a sambedienu kua Nzambi, oso a mi tatesa; benzelenu a mi bhubhidila, bhangenu mbote oso a mi zembe.

Marku 15:24

Anga a mu batela ku dikulusu, a uana izuatu ie ni ku i tela jisorte, kala muthu nʼa mone kioso kia tambula-bhu.

Luka 22:42

Tata, eie se ua ki andala, dikáu dia phaxi dienhidi, ngi katule-diu. Maji-phe ki ngindi kuamba o vondadi iami iene i bhita, ki kale ngó o vondadi ié. [

Nzuá 17:9

Eme ngala ku a bhingila ene. Ki nga mu bhingila o mundu, kana, maji nga mu bhingila ió ua ngi bhana-nâ, kuma ene a ku tokala.

Nzuá 19:11

Jezú, uixi: Eie kueju kala ni kutena kua ku ngi bhanga kima, se a kambele ku ku bana-ku kuala Nzambi ku diulu. Kienhiki, uoso ua ngi bhakula ko kué, muè uala ni kituxi kia dikota.

Jipoxolo 16:28

Phaulu-phe ua mu handekela, uixi: Ku di bhange kiokio! Etu oso etuʼ etʼú!

Jipoxolo 3:17

Kiki-phe enu mu akuetu, o Jezú ku mu bhanga kiki, nga mono kuma o kukamba ku kʼ ijiia kuene kua mi bhangesa-kiu, ni enu ni afundixi enu; mbata ioso i mua kexi mu kubhanga, enu ki mu ijidile.

Jipoxolo 7:60

Anga u fukama, u di kola di dizui dia suina, uixi: Ngana, kana kuta kituxi kiki mu konda iâ! O kia zubha ku ki zuela, u batula muenhu.

Loma 12:14

Bhingenu Nzambi kuila a benzele oso a mi zudidika. Xi, bhingenu phala a a zediuise, mukonda inda o kubenzela kana kubhubhidila.

I Kolindo 2:8

Makota a mu tumina leluʼ idi ku mundu, o unjimu uenʼ iú ka uijiia. Kuma se a uijidile, hinu Ngana ia fuma ka tena ku mu jibhila ku dikulusu.

I Kolindo 4:12

Tu tala hadi mu kukalakala ni maku phale kumona kia kudia. Ela a tu xinga, etu tu benzela. Ela a tu zukutisa, etu tu kolokota ni kinhenge.

I Timote 1:13

Muène ua ngi bhange kienhiki, sumbala mʼokulu nga diangele ku mu zuela kiaiibha, ni ku mu zukutisa, ni ku mu sombola. Maji o Nzambi ua ngi kuatelele henda, mukonda ki nga xikanene luua, o ioso i nga kexe mú bhanga ki nga i ijidile.

I Phetele 3:9

Kana kuvutula phulu mu phulu, kana kuvutula ndaka mu ndaka. Bhu kididi kia ndaka ki kale-phe mu vutula dibesá, kuma Nzambi kiene kia mʼixanena, ni mu lundule dibesá.