Luka 23:33 - O Mikanda Ikola

³³ Kia bhixila bhu kididi a kixana Kibholongonho, bhene bhua mu phaphela ku dikulusu ni muène ni imbokoto, kimoxi ku madilu mê, o kiamukuá ku kiasu.

Luka 23:33 ပူးပေါင်းရင်းမြစ်များ

Jisálamu 22:16

Kiene ki ngalʼiki, jímbua ja ngi kondoloka; kibuka kia ingumba kia ngi phopheka, a ngi kubula o maku ni inama,

Zakadiia 12:10

O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.

Matesu 20:19

Ene a kà mu êlesa phala ku mu jibha; a kà mu bhana ku matumbu ku mu bhanga kasekelu, ni ku mu bunda ni kibetu, ni ku mu phaphela ku dikulusu. Maji mu kizuua kia katatu-phe ua kà fukunuka.

Matesu 26:2

Enu mua kʼijiia kuila kua kambe ngó izuua iiadi, kuanda kuiza Fesa ia Phasu, o Monʼa Muthu-phe a-nda ku mu thelekala phala ku mu phaphela ku dikulusu.

Luka 24:7

Monʼ a Muthu ua bhingi ku mu thelekala bhu maku ma akua ituxi, ni ku mu phaphela ku dikulusu, ni kufukunuka mu kizuua kia katatu.

Nzuá 18:32

Kiki kia bhiti, phala maka ma jezú ma tenene, kia tangele uoso ufuilu ua-nda kùfua muène.

Nzuá 3:14

Mukuâ ni kia zangula Mozé o nhoka ia ngòndo mu ixi ia isekele, anga u i nhenga ku muxi, ni Monʼ a Muthu kiene ue kia bhingi o ku mu zangula,

Jipoxolo 13:29

O kia zubha ku mu bhanga ima ioso ia mu soneka jinga mu Madivulu Makôla, a mu tulula ku dikulusu, hé a mu tula mu mbila.

Jipoxolo 2:23

muenʼió, mu kuijiia kua Nzambi ni kikutu kiê ki a ta jinga mʼokulu, mua mu bhakuile enʼuenu bhu maku ma iiala iabhumu, mua mu phaphelesa ku dikulusu, mua mu jibha.

Jipoxolo 5:30

O Nzambi ia jitata jetu, ua fukununa Jezú, mua mu jibha enu ni ku mu nhenga ku muxi.

Ngalásia 3:13

Maji Kristu-phe ua tu kula ku mázui ma Kitumu, mu kubiluka mukua mázui bhu kididi kietu. Kuma kiosoneke mu Mikanda: Uoso a mu nhenga ku dikulusu mukua mázui.

Matendelelu 21:23

o kimbi kiê ki ki xialele bhulu dia muẋi, kana; kale lelu muene mu ki funda; mbata uoso a mu nhenga ku muẋi a mu te mázui kua Jihova; kala kiki, eie ku mu nangese ku kimoxi, phala oxi ié ki i tambule lufuku, oxi ia ku bhana Jihova Nzambi ié.

I Phetele 2:24

Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake.