Luka 23:28 - O Mikanda Ikola

²⁸ Jezú anga u bilukila kuala ahatu, uixi: Enu mu anʼa ahatu a Jeluzaleme, ki mu ngi dile Eme! Di didienu enʼ uenu, ni anʼ enu!

Luka 23:28 ပူးပေါင်းရင်းမြစ်များ

Mukumbi ua Mikumbi 1:5

Eme ngi muzedi, maji nga uabha, enu akuetu mu anʼa ilumba mu Jeluzaleme, tata, nga di fu mukuá ni jibalaka ja Kedale, ngedi kala o jikolotina ja Solomá.

Mukumbi ua Mikumbi 2:7

Nga mi lokela muene, enu mu anʼa ilumba mu Jeluzaleme, ni ku jingulungu ni ku jimbambi ja kitumba, kuila jihenda jami kana ku mu tonesa, mba mu mu fundumuna, katé muene kioso kiandala.

Mukumbi ua Mikumbi 3:10

Ua ki iudikila mikambu ia phalata; o tudilu dia inama iê dia ulu; o dixikamenu diê dia thanga i kusuka; o moxi diê a kembesa-mu ni kubolodala-mu ni henda kuala anʼa ilumba mu Jeluzaleme.

Mukumbi ua Mikumbi 3:5

Nga mi lokela muene, enu mu anʼa ilumba mu Jeluzaleme, ni ku jingulungu ni ku jimbambi ja kitumba, kuila, jihenda jami kana ku mu tonesa mba mu mu fundumuna, katé kioso muene kia mesena.

Mukumbi ua Mikumbi 5:16

O uzuelelu uê u touala, ni uene nzué! Amah! Kidi muene! Nanhi u kamba ku muʼinda, ua uabha kiki! Kienʼiki kiala kazola kami, kienʼiki kia kala muadi uami, tata! enu anʼa ilumba mu Jeluzaleme!

Mukumbi ua Mikumbi 5:8

Nga mi lokela enu mu anʼa ilumba ia Jeluzaleme, kuila: Se kazola kami mua mu sange, mu tangedienu muexi: Eme nga kate ni jihenda!

Mukumbi ua Mikumbi 8:4

Nga mi lokela, enu muʼanʼa ilumba mu Jeluzaleme, kuila kazola kami ki mu mu tonese, ki mu mu balumune, katé muene kiandala.

Luka 23:27

Anga ku mu kaiela kifuẋi kiavulu S kia athu. Mu kifuẋi hé mu kala ni ahatu a kuata ku mu dila, ni kubhana jingololo.

Luka 23:29

Kuma kù kuiza izuua, anda kuila: Azediua ahatu a jimbaku, ni mavumu ma kambe kuimita, ni mele ma kambe kuamuisa!

Dijingunuinu 1:7

Talesenu, muène hinu uiza ku matuta! Ene oso a ka mu mona mesu, katé ni ió oso a mu kubuile. Miji ioso mu ngongo ia kà dila jingololo mukonda diê. Kiene muene. Amén!