Luka 23:2 - O Mikanda Ikola

² O kuenhoko anga a kuata ku mu tatela, exi: Muthu iú tua mu kuata ni kufunhisa o kifuẋi kia mundu uetu. Uala ku fudisa athu kubhana lubhaku lua Sézalu, uixi: Eme-muène ngi Kristu, ngi muenexi.

Luka 23:2 ပူးပေါင်းရင်းမြစ်များ

I Jisobha 18:17

Anga ki bhita kuma, Akabe kia mono Elija, Akabe uambela Elija, uixi: Eie-muène u muzukutixi ua Izalaiele?

Jisálamu 35:11

Jimbangi ja isuéia ja balumuka; a ngi tatela ima ki nga ijiia ngó.

Jisálamu 62:4

Ene a-lu di longesa mudiâ phala kulundumuna o muthu uangene bhu ditala diê dia ujitu; kia a uabhela o makutu; a hanza muene ni dikanu diâ maji o ku muẋima moxi-phe akua mázui. (Selah.)

Jelemiia 20:10

Mukonda nga mu kuívua ki ala kulongolola o mundu, o ku mbandu joso ku kuata uoma, exi: Tu ambelienu-kiu etu tua kà mu tungunune; katé ni iá u nga di bhana-nâ ala ku kinga o kubhendujuka kuami, exi sumba u kala ni bhua tolokela; bhene-phe kiá bhu tua-nda ku mu kuatela, tu mu bhuile mabhukubhuku.

Jelemiia 38:4

Makota hé ambela sobha, exi: Muthu iú a fue, kuma muene mu ku bhanga kiki, uala kubhuidisa o maku ma athu a fuama kúlua ita a subhuka hanji mu mbonge mumu, ni maku ma kifuẋi kioso mu ku a zuelela maka a di fu kiki; mukonda o muthu iú kala mu sota kutululuka kua kifuẋi kiki, maji phulu ngó.

Amoji 7:10

Bheneʼobho Amaziia, nganga bhu Betele, u tuma kutangela Jelubouamu sobha ia Izalaiele, uixi: Mu kaxi ka dibhata dia Izalaiele, Amoji ua mu ku ta kikutu kia ufe; ixi ki i tena ku kuívua o maka mé oso.

Zakadiia 11:8

Anga ngi jimisa o abidi ene oso kitatu mu mbeji imoxi, kuma o muenhu uami ua bhondalala mukonda dia ene, o ene uâ eme a ngi kumine kiá ku mienhu iâ.

Matesu 17:27

Phala-phe ka kale ni diba dia ku tu longolola-na-diu, ndeie ku kizanga, ua kà te nzolo mu menha, u kuate mbiji ioso i dianga kubanda. O ki u i jikula mu kanu diê, ua ká sanga-mu kitadi ki soka kufuta o mibhaku ietu. Tambula-kiu, ua kà a bhane phala eme ni eie.

Matesu 22:21

Exi: Kia Sézalu. Muène anga u a ambela, uixi: Bhakuilenu-phe kua Sézalu, ima iangene ia Sézalu; kua Nzambi, o ima iangene ia Nzambi.

Matesu 27:11

Kiki Jezú uemana bhu pholo ia nguvulu, o nguvulu anga u mu ibhula, uixi: Eie u sobha ia Jijudé? Jezú ua mu kumbulula, uixi: Kiene muene. Eie ua kiambe.

Marku 12:17

Bhenhobho Jezú ua ambela: Bhanenu-phe Sézalu, kia tokala Sézalu; Nzambi, kia tokala Nzambi. Anga a diuana kiavulu uvutuilu ue.

Marku 15:2

Pilatu anga u mu ibhula, uixi: Kífua, eie u sobha ia Jijudé? Muene uetaia, uixi: Eie-muene ua ki tange.

Luka 23:14

Enu mua ngi bhekela diiala didi, muexi mukua kufunhisa o mundu. Eme-phe nga mu tokuesa bhu pholo ienu, maji ki ngi mu mono ni kikuma mu ima ioso i mua mu tatela.

Luka 23:5

Ene-phe a jiza dingi kiavulu, exi: Muène uala ku balukisa mundu mu Judeia ioso. Uandekela tunde ku Ngalileia, o kiki iú kunu.

Nzuá 18:29

Pilatu anga u a tundila mu kudimona-nâ bhu kanga, uixi: Muthu iú, muala-nê ni mulonga uahi?

Nzuá 18:30

Ene a mu vutuila, exi: Se ua kambele kukala mukua-kituxi, eie ua fika kuma hinu tua ku bhekela-nê bhabha?

Nzuá 19:12

Tunde Pilatu kievu kienhókio, u sota kujituna Jezú. Maji o Jijudé-phe a di kola, exi: Ki u mu jituna, ku dikamba dia Sézalu dingi! Mukonda uoso u di tanga, uixi: Ngi sobha, ua kitukila Sézalu!

Jipoxolo 24:13

O ima ia ngi tatela ue bhabha, ki i moneka mbangi ia kidi.

Jipoxolo 24:5

Kuma o diialʼ idi tua mu ijiia, ua di fangana dibhebhu. Muène mukua kukitukisa o Jijudé mu ngongo ioso, muenʼiú kihuende mu kisoko kia akua Nazalé.

Loma 13:7

Kala kiki, bhanenu-phe kua ene oso kioso ki mua tokala ku a bhana: Lubhaku kua ió ua tokala o lubhaku; dijimu kua ió ua tokala o dijimu; uôma kua ió ua tokala uôma; ujitu kua ió ua tokala o ujitu.