Luka 23:11 - O Mikanda Ikola

¹¹ Helode-phe ni masoladi mê, hé a mu tobhesa, a mu bhanga kasèkelu, a mu zuika izuatu ia kukemba, hé a mu vutula dingi kua Pilatu.

Luka 23:11 ပူးပေါင်းရင်းမြစ်များ

Jisálamu 22:6

Eme-phe ngi kabamba ngó, ki ngi muthu, kana, a ngi tobhesa kuala athu, a ngi tènde kuala o mundu.

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Izaía 53:3

Kia kexi, a mu di tunu, muene o muthu a beta o ku mu tènda ni ku mu sebulula mu athu oso; mukua misusu; muthu uejidila o kutala hadi; uedi kala ió athu a mu bhana jinga dikunda ni ku mu suekela o pholo; kia kexile a mu ehelela, ki bhuala dingi muthu ua mu suu.

Matesu 14:1

Bhu thembuʼobho, Helode dia tetalaku, muenexi a Ngalileia, anga uívua o fuma ia Jezú.

Matesu 14:3

Kuma Helode ua kuatele Nzuá, iu ua mu kutu, ua mu tesa mu ʼaleia, mukonda dia Helodiia, mukaji a phangʼié Felipe.

Matesu 14:6

Kutula-phe bhu kizuua kia Helode, kia kutenesa mivu, monʼa Helodiia ua muhatu u kala mu kina mu ʼaxaxi-kâ, Helode anga ki mu uabhela.

Marku 9:12

Kuala muene: Kidi kiene, Elija u dianga kuiza, he u bheka ima ioso mu uiukilu ue. Maji a ki soneka-phe kiebhi mu Mikanda ia Nzambi kuma Monʼa Muthu u tokala u bhita mu jiphaxi javulu, ni ku mu tobhesa?

Luka 23:10

Makota ma jinganga ni jimesene ja Kitumu emana bhenhobho, a suina ni ku mu tatela ima iavulu ia nguzu.

Nzuá 19:5

Kienhókio, Jezú anga u tunda, ua zuata kitundu kia minha ku mútue, ni dibeka di kusuka. Pilatu ua ambela, uixi: Muthu iú, mu talesienu!

Tiiaku 2:2

Kuma se mu bokona muthu mu dilombe dienu, ua zuata nela ja ulu ni izuatu ia fina, anga mu bokona ue ni ngadiama, ua di te izuatu ia kuka kiá,

Tiiaku 2:3

enu-phe mu xila iú ua di te izuatu ia fina, muixi: Kididi kiambote kiki, xikama bha-bha. Maji mu ambela o ngadiama, muixi: Imana koko mba Xikama bhoxi bhabha, bhu mbanduʼa inama iami.