Luka 22:61 - O Mikanda Ikola

⁶¹ Bhenhobho Ngana anga u biluka, hé u ta mesu kua Phetele ni ku mu tonginina. Phetele anga u lembalala o maka ma Jezú, kia mu ambela, uixi: Dikolombolo ki dia-ndu kokola lelu, katé eie ua ngi di tunu lutatu.

Luka 22:61 ပူးပေါင်းရင်းမြစ်များ

Jobe 33:27

Ua kà tala ku athu anga u zuela, uixi: Nga te kituxi, o kuiuka nga ku tondala, o kuene ki ngi katula-ku ngó kima, o Nzambi ue ka ngi vutuila kia fuama o ikuma iami.

Izekiiele 16:63

mbé uie ni ku ki lembala, sonhi jende ni ku ku kuata, mu ima ioso i ua bhange, phala kioso ki ngi diʼondolola nʼeie, ki mungu dingi u jikula dikanu mukonda dia jisonhi—kiene kia tange Jihova Nzambi.

Hozeia 11:8

O kiki-phe eie Ifalaíme, ngi kuehelela kiebhi? Ngi ku bhakula kiebhi, eie Izalaiele, tata! Ngi ku bhanga kiebhi kala kia bhiti kua Adama, mba ngi ku kitula kiebhi kala Nzeboíme? Muẋima uami moxi ki u xikina, o henda jami ja bambuka kala túbhia.

Matesu 26:34

Kuala Jezú: Kidi kiene ngi ku ambela, kuma usuku uenhú, kioso o dikolombolo kiluua di kokola, eie uanda ku ngi di tuna luatu kuila ku ngʼijiia.

Matesu 26:75

Phetele anga u tukumuka o maka ma tangele Jezú, kuila: Kioso o dikolombolo kiluua di kokola, eie ua-nda ku ngi dituna lutatu. Anga u tubhuka, u dila kisoxi kiavulu.

Marku 5:30

Jezú-phe kithanganʼokio kuma uevu kuila mu mukutu ue mua tundu umbanda, ua sakukila o mundu, uixi: Mukuahi ua ngi babata o kizuatu?

Luka 10:41

Ngana-phe ua mu vutuila, uixi: Marta, Marta, eie ua lalama, kuma ua tandanganha ni ima iavulu.

Luka 22:34

Jezú u mu vutuila, uixi: Ngi kuambela, Phetele, kuma lelu muene o dikolombolo ki dia-ndu kokola, katé eie ua ngi di tunu lutatu, kuma kua ngʼijiia.

Luka 22:60

Phetele-phe, uixi: Èhé! Eie ialʼé, eme ki nga kʼijiia kioso ki ua mu zuela! Kindala kienhokio-phe, kioso ki ala hanji mú zuela, dikolombolo di kokola.

Luka 22:62

Bhenhobho Phetele anga u tunda bhu kanga, hé u ẋikujuka ni kudila.

Luka 7:13

Ngana kia mu mono, henda ia mu kuata, anga u mu ambela, uixi: Ku dile.

Luka 7:19

Nzuá anga uixana kiiadi ku jixibulu jê, u a tuma kua Ngana ku mu ibhudisa, kuila: Eiʼmuène iuná a mu tanga-jinga o kuiza, inga tu kinga muthu uengi?

Nzuá 13:38

Jezú u vutula, uixi: Eie u bhana muenhu ué, mukonda diami? Kidi kiene ngi kuambela: Bhua kà kokuela o dikolombolo, eie ua ngi di tunu lutatu.

Jipoxolo 5:31

Maji o muenʼiú Nzambi ua mu zangeleka, iú ua mu tula ku lúkuaku luê lua dilu, mu kukala Musonguedi ni Mubhuludi. Muène ua ki bhange phala kubhana Izalaiele o kithangana kia kudiela, ni kutambula o muloloko ua ituxi iê.

Efezo 2:11

Uila kiki, xinganekenu, kuma mʼ ukulu enu mu matumbu (akua jixi jengi) mu xitu, a mi luka jinga mu akua dibôlo, kuala o Jijudé a dʼ ixana kuma akua kusaia, kusaia-phe ngó kua xitu, kuobhange ni maku ma athu ku mikutu iâ.

Dijingunuinu 2:5

Xinganeka ditala di ua di bhale, u diele o ituxi ié ni kubhanga ima ia tokala mu kuandekela! Ki u kamba ku ki bhanga, hinu ngi ku sanga hé ngi ku sondolola o kandeia bhu kididi, se u kamba kudiela.