Luka 22:52 - O Mikanda Ikola

⁵² Jezú anga u ambela o makota ma jinganga, ni ji kabhitangu ja pudíxa ia Tembulu, ni adiakime a Jijudé, eza ku mu kuata, uixi: Kifua enu mua tundu ni jixibhata ni jihunha phala ku ngi kuata kala ngi kifumbe?

Luka 22:52 ပူးပေါင်းရင်းမြစ်များ

II Jisobha 11:15

Maji o nganga Joiada ua tendelela o jikabhitangu ja kexile mu kutumina o masoladi, uixi: Mu katudienu mu kaẋi ka mikalatata ia athu, muienê bhu kanga, se bhu kala muthu u mu kaiela, mu jibhienu ni xibhata. Mukonda o nganga ua ambelele, uixi: Kana ku mu jibhila mʼonzo ia Jihova.

Matesu 26:47

Kioso Jezú kiala hanji mu zuela, talesa, Juda, umoxi ku kuinhi ni kiiadi u tula. Muene ueza ni mundu uavulu kumoxi, ambata jixibhata ni jimbangala, a a tumu kuala o jinganga ja makota ni adiakimi.

Matesu 26:55

Kithanganʼokio Jezú anga u ambela o mundu eza mu ku mu kuta, uixi: Kífua enu mua tundu ni jixibhata ni jimbangala mu ku ngi kuata, kala ngi kifumbe? Nga xikamene izuua ioso mu Tembulu ni kulonga, maji ki mua ngi kuata.

Luka 22:37

Mukonda ngi mi ambela, kima kiosonekeʼ okio mu Mikanda Ikôla, kia bhingi ki bhita muene, kuma exi: Muène a mu bundu kumoxi ni ingumba. Eme-phe, ngi mi ambela kuma, ima ioso iíi ia bhingi ngi bhita na-iu, mbata iene ioso ia ngi tokala, iòsoneke, ia-nda ku di kumbidila.

Luka 22:4

Bhenhobho Juda anga uia, u zuela ni makota ma jinganga ni ji kabhitangu, kioso kia tena kubhana Jezú bhu maku mâ.

Luka 22:51

Maji Jezú ua a vutuila, uixi: Ambulenu, kuabhu! Anga u babata o dítui dia diialʼodio, hé u mu ilula.

Luka 22:53

Izuua ioso, eme i nga kexile kumoxi ni enu mu Tembulu, enu ki mu ngi tula maku. Maji o didi, kumbi dienu kiá, ni dia kusuina kua kitombe.

Nzuá 17:12

Kioso ki nga kexile-nâ mu ngongo, nga a bhakele mu kutena kua dijina dié. Nga engi, oso ua ngi bhana-nâ, ki bhu texika muthu, kikale iuná ngó o kilalu kia mona, ua texika-bhu, mu kubhitisa o maka mòsoneke mu Mikanda Ikôla.

Jipoxolo 5:26

Bhenhobho o kabhitangu ni masoladi anga aia, hé a takana o Poxolo jiiadi sé kusuina. Maji ka tena ku a bhanga kima kioso-kioso kiaiibha, kuma ala ni uôma ua mundu ku a takula matadi.