42 Tata, eie se ua ki andala, dikáu dia phaxi dienhidi, ngi katule-diu. Maji-phe ki ngindi kuamba o vondadi iami iene i bhita, ki kale ngó o vondadi ié. [
Phaphumuka, phaphumuka, u balumuke, Jeluzaleme, tatʼeie! Uanu dikáu dia njinda ia Nzambi, dia tundu bhu luakuaku luê; dikáu dia kubhendujuka eie ua di zunzumuna muene, ni iẋiẋi iê ua i xibhi.
Ngana ié, Jihova dia Nzambi ié, muthu ua-nda kufundila o povo iê, uambe kiki; Eme o dikáu dia kubhendujukʼodio ngi ku tambula-diu kiá, bhu lukuaku lué di tunda-bhu, ni iẋiẋi ia dikáu dia kutema kuami; eie ki mungu dingi u nua-ku.
Kuma Jihova, o Nzambi ia Izalaiele, ua ngi tangela kiki: Tambula nganza iii, ia vinhu ia njinda iami nda miji ioso, kuoso ku ngi ku tumukisa, u a bhane kunua-ku.
Kumbi dienhódio Jezú anga u kumbulula, uixi: Nga ku ximana Tata, Ngana ia diulu ni oxi, mukonda imʼ iii ua i sueka, jinjimu ni adimuka ka i mono, maji ua idikiza anandenge.
Jezú-phe u vutuila, ana kiiadi a muhatu, uixi: Ki mua kʼijiia kioso ki mua bhingi. Enu mu tena kúnua dikáu di nganda kúnua Eme? Ni ku mi batizala batizu ia ngi batizala na-iu Eme? Exi: Tua soko-bhu.
Anga u sondoloka-bhu kòfele, u fukama, u ta pholo bhoxi, hé u samba, uixi: Tata iami, se ki xikina, dikáu dienhidi dia phaxi iíi, ngi katule-diu. Maji-phe ki ngi sola eme, kana, inda ki u sola eie.
Anga lua kaiadi dingi uia, u samba, uixi: Tata iami, se kia bhingi kuila dikáu dia phaxi didi ki di tena ku ngi somboka, katé ki ngi di nua, kioso ki ua solo Eie ki bhite.
Jezú anga u kala dingi mu ku a tangela, uixi: Eme kʼ ubheka uami, ki ngi tena kubhanga kima, ki kala ki ngʼívua kua Tata, kiene ki ngi fundisa. O kufundisa kuami-phe kua kidi, mukonda ki nga-lu sota kubhanga vondadi iami, maji o vondadi ia ió ua ngi tumu.