Luka 22:40 - O Mikanda Ikola

⁴⁰ Kia zubha ku bhixila bhu kididi kia solo, ua ambela, uixi: Sambenu, phala ki mu di bhale mu tendasá.

Luka 22:40 ပူးပေါင်းရင်းမြစ်များ

I Malunda 4:10

Mbata Jabeze uadionda Nzambi ia Izalaiele, kuila: Se u ngi zediuisa kiavulu kinéne, o jimbambe jami ni u ji kudisa dingi muene, o lukuaku lué hé lu ngʼendesa, hé ubhangesa kuila o dibhebhu ki di ngi tule anga u ngi konda o malamba! Nzambi anga u mu bhanga kioso kia mu bhingi.

Jisálamu 119:133

Ngʼendese o makanda mami mu njila ia maka mé; kana dingi kituxi ni ki ngi tolola.

Jisálamu 17:5

Makànda mami ma kuata mu ikoka ié, o inama iami ki i dianguka, kana.

Jisálamu 19:13

Selevende ié, Ngana, mu fudise o kubhuma kua izala; o ima ia ku di zangeleka ki iende ni ku ngi tumina; phala ngʼimane nzanza ni kulunga, mbé ki ngi kale ni kituxi kia dikota kokué.

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

Luka 11:4

Tu loloke o ikuma ietu; mukonda etu uetu tu loloka uoso u tu sombola. Ku tu ehele ku di bhala mu ku tu diangula.

Luka 22:46

Enu-phe mua zekela-hi? Balumukenu, mu sambe, phala ki mu di bhale mu tendasá.

I Phetele 4:7

Disukilu-phe dia ima ioso dia zukama. Kuatenu-phe kilunji, mu kale ku mesu azele, mu kale mù samba.

Dijingunuinu 3:10

Mukonda eie ua bhake o maka mami, kioso ki nga ku ambela kukala ni muanu, eme uami ngi ku bhaka mu kithangana kia phaxi, hinu ki tukulukila mundu uoso, mu kulola ene oso a tungu mu ngongo.