Luka 22:37 - O Mikanda Ikola

³⁷ Mukonda ngi mi ambela, kima kiosonekeʼ okio mu Mikanda Ikôla, kia bhingi ki bhita muene, kuma exi: Muène a mu bundu kumoxi ni ingumba. Eme-phe, ngi mi ambela kuma, ima ioso iíi ia bhingi ngi bhita na-iu, mbata iene ioso ia ngi tokala, iòsoneke, ia-nda ku di kumbidila.

Luka 22:37 ပူးပေါင်းရင်းမြစ်များ

Izaía 53:12

Mukonda dia kiki, nga-nda ku mu katuila dikânda diê ku athu a vulu, sumbala muene ua-nda kuuana o madibhundila kumoxi ni mazonda; mbata ua lundulula o muenhu uê muʼalunga, a mu bundile kumoxi ni ifumbe; maji muene ua di tuika o ituxi ia athu avulu; iú uala kudiondela akua-ituxi.

Marku 15:27

Anga a mu-ta kumoxi ku makulusu ni ifumbe iiadi. O iú ku madilu, o iu ku kiasu. [

Marku 15:28

Anga ki bhita kala kiosoneke mu Madivulu a Nzambi, exi: Muene a mu bundu kumoxi ni ingumba.]

Luka 18:31

Jezú anga u bhongoluela o kuinhi dia xibulu ni kiiadi bhu mbandu iê, ua ambela, uixi: Mua mono, tuala kuia mu Jeluzaleme, ima ioso-phe iòsoneke mu jipolofeta, ia tokala Monʼ a Muthu, ianda ku mu bhita koko.

Luka 22:22

Kuma o Monʼ a Muthu iu uʼió mu kúfua kala kia mu lekelela Nzambi. Muthu ió-phe lamba diê, uoso ua-ndu mu bhana ku jinguma!

Luka 22:36

Muène-phe ua ambela, uixi: Kikiphe uoso uala ni hutu ni mbuenge ue, a i ambate. O uoso ue ua kambe o mukuale, a sumbise o dibeka diê ni a u sumbe.

Luka 22:52

Jezú anga u ambela o makota ma jinganga, ni ji kabhitangu ja pudíxa ia Tembulu, ni adiakime a Jijudé, eza ku mu kuata, uixi: Kifua enu mua tundu ni jixibhata ni jihunha phala ku ngi kuata kala ngi kifumbe?

Luka 23:32

Anga ambata ue kumoxi ni Jezú, kiiadi kiamukuá, akexile imbokoto, phala ku a jibhila kumoxi ni muène.

Luka 24:27

Anga ua andekela ku madivulu a Mozé, hé u bhita mu madivulu a jipolofeta joso, ni ku a jimbuila ima ioso iòsoneke mu Mikanda Ikôla ia Nzambi, ia mu tokalele muène.

Nzuá 10:35

Etu tuejiia kuila o Madivulu ma Nzambi ene mù zuela kidi; kuma Nzambi ua exana jinzambi enhó oso evile o maka-mê.

Nzuá 17:4

Eme nga ku jingisa Eie mu ngongo, eme nga zubha o kikalakalu ki ua ngi bhana kubhanga.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Ngalásia 3:13

Maji Kristu-phe ua tu kula ku mázui ma Kitumu, mu kubiluka mukua mázui bhu kididi kietu. Kuma kiosoneke mu Mikanda: Uoso a mu nhenga ku dikulusu mukua mázui.