Luka 22:33 - O Mikanda Ikola

³³ Phetele-phe, uixi: Ngana, eme ngala polondo kuia ni eie, ni mu, aleia, ni ku ʼalunga.

Luka 22:33 ပူးပေါင်းရင်းမြစ်များ

Jisabhu 28:26

Muthu uoso ua dielela o muẋima uê-muène, kiôua; muthu uoso-phe uenda ni masunga, ka sukamena.

Jelemiia 10:23

Jihova, tata, eme ngejiia kuila o njila ienda o muthu ki iene bhu lukuaku lua muthu-muène, mba muthu kienda, muene u tongesa o makanda mê-muène.

Jelemiia 17:9

O muẋima ua muthu u bhomba kinéne, ima ioso ndenge, ua bhukumuka kiavulu: mukuahi u tena ku uijiia?

Matesu 20:22

Jezú-phe u vutuila, ana kiiadi a muhatu, uixi: Ki mua kʼijiia kioso ki mua bhingi. Enu mu tena kúnua dikáu di nganda kúnua Eme? Ni ku mi batizala batizu ia ngi batizala na-iu Eme? Exi: Tua soko-bhu.

Marku 14:29

Kuala Phetele-phe: Né-mbé ene oso a lenga nʼa ku xisa, eme kana!

Marku 14:31

Phetele-phe u ki suinina kiavulu ni ku ki zuela, uixi: Ne kia ngi bhingi ngi fua kumoxi ni eie, Ngana, ki ngi ku ditunu kuila ki nga kuijiia. Maxibulu oso anga a tanga ua kienhiki.

Luka 22:34

Jezú u mu vutuila, uixi: Ngi kuambela, Phetele, kuma lelu muene o dikolombolo ki dia-ndu kokola, katé eie ua ngi di tunu lutatu, kuma kua ngʼijiia.

Luka 22:57

Phetele anga u di tuna, uixi: Muenió, eme ki nga muijiia, muhatu-a kime!

Nzuá 13:38

Jezú u vutula, uixi: Eie u bhana muenhu ué, mukonda diami? Kidi kiene ngi kuambela: Bhua kà kokuela o dikolombolo, eie ua ngi di tunu lutatu.

Jipoxolo 21:13

Kieniokio Phaulu ua kumbulula, uixi: Mu didila-hi kiki, anga mu ngi bhekela lamba diavulu ku muẋima? Kuma eme ngala polondo, ki ku ngi kuta ngó, maji katé ni ku ngi jibha mu Jeluzaleme mukonda dia dijina dia Ngana Jezú.