Luka 22:19 - O Mikanda Ikola

¹⁹ Anga u katula o mbolo, u sakidila Nzambi, anga u i uana, u i bhana o maxibulu, uixi: Iú uene o mukutu uami, [uòbhane mukonda dienu. Bhangenu jinga kienhiki mu ku ngi banza eme.

Luka 22:19 ပူးပေါင်းရင်းမြစ်များ

Jisálamu 111:4

Ikalakalu iê ia madiuanu ia xala muene fuma; Jihova ualenduka, u kuatela henda.

Mukumbi ua Mikumbi 1:4

Ngʼambate, tuie lusolo, kokué. Sobha ua ngi bokuesa mu xilu diê. Tua kà sanguluka, tua kènda ni kutanena momué; O henda ié tua kà beta ku i xinganeka o vinhu ndenge; kiene kia ku zolela oso a iuka o miẋima.

Izekiiele 37:11

Bhenhobho-phe u ngʼambela, uixi: Eʼ monʼa diiala, o ifuba iii, uene o muiji uoso ua Izalaiele; kuma ene a mu kuila, exi: O ifuba ietu ia kukuta, o kudielela kuetu kua di boto; o etu ia a tu batula kiá.

Izekiiele 5:5

O Jihova Nzambi uambe kiki: Iú kiá muene Jeluzaleme! Nga mu te mu kaxi ka miji ni ka jixi ja mu kala mu jimbandu.

Daniiele 2:38

Iú uedi kuene kuoso kua tungu anʼa athu, ni iama ku mukáu, ni jinjila bhulu, ua ku bhakuila-iu bhu maku mé; iú ua ku bhana u o kutena kua ku i tumina; é-muene-phe u mútue ua ulu.

Matesu 14:19

Muène anga u tuma mundu kuxikama bhu iangu. Hé u katula o mbolo jitanu, ni mbiji jiiadi, u tala ku diulu, u sakidila Nzambi, anga u kuata kubhasujula o jimbolo ni ku ji bhana jixibulu, ene hé a kala mu ji uanena o mundu.

Matesu 15:36

Anga u zangula sambuadi dia mbolo, ni tumbiji, hé u sakidila Nzambi, u ji bhasujula, anga u ji bhana ku jixibulu, o jixibulu anga ji bhana o kifuẋi.

Luka 22:17

Anga u tambula o kopho, o kia zubha kusakidila Nzambi, uixi: Tambulenu iíi, mu i uane mudienu.

Luka 22:20

Ni kopho ue kiene kimoxi, kia zubha o kuseiala, uixi: Dikáu didi, kiene o Kikutu kiòbhe bhukaẋi ka Nzambi ni athu, kiòkolese ni manhinga mami, manda kubhubha mukonda dienu.]

Luka 24:30

Kia zubha-phe kuxikama ni ene ku meza, muène u tambula o mbolo, hé u sakidila Nzambi. Anga u i bukula, u a bhana-iu.

Nzuá 6:23

sumbala ki kuákie kuejile jibáluku jamukuá ja tundu mu Tibeliiade, anga ji bhixila bhu kididi bha dile o jimbolo, kia zubha Ngana kusakidila

Nzuá 6:51

Eme ngi mbolo ia muenhu ia tuluka mu diulu. Se bhu kala muthu u dia o mbolo iíi, muenhu uê ki ua kà bhua dingi. O mukutu uami, iene o mbolo i nga-nda kubhana, phala o mundu ni u kale ni muenhu.

I Kolindo 10:16

Etu tua sakidila Nzambi ua tu bhana o kopho ia mabesá. Manhi kioso ki tu kala mu kunua ku kopho iii, ki tua mu tambula ue mbandu ku manhinga ma Kristu? O kioso ki tu bukujula o mbolo anga tu kala mu kudia, manhi ki tua mu tambula uetu mbandu ku mukutu ua Kristu?

I Kolindo 10:4

Ene oso a nuine kunua kuene kumoxi kua nzumbi. Kuma a nuine jinga ku ndanjiʼ oio ia nzumbi ia kexi mù kuenda na-iu. O ndanji-phe muene Kristu.

Ngalásia 1:4

Kristu ió ua di bhakuile ku kalunga phala ku tu bhulula ku ituxi ietu, nʼa tene ku tu kudila ku mundu iú uaiibha, kala Nzambi ietu, Tata, kia mu kala mu vondadi iê.

Ngalásia 4:25

Kuma Hangale muenʼ iú, uala bhu kididi kia mulundu ua Sinai ku Alábia, o Hangale-phe muene o kijimbuete kia Jeluzaleme ia lelu iala-ku, kuma iala mu ubhika ni anʼ ê oso.

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

I Tesalonika 5:18

Sakidilenu Nzambi mu ima ioso; kuma iene o vondadi ia mi kala na-iu muène, mua Kristu Jezú.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

I Phetele 2:24

Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake.