Luka 22:18 - O Mikanda Ikola

¹⁸ Mukonda eme ngi mi ambela: Tunde lelu, eme ki ngi-nu dingi ku ibundu ia muvide, katé kʼiza o Utuminu ua Nzambi.

Luka 22:18 ပူးပေါင်းရင်းမြစ်များ

Jisálamu 104:15

ni vinhu phala muẋima ua muthu u sanguluke, ni maji phala pholo iê i lelame, ni musa phala a kale ni nguzu mu mukutu.

Mukumbi ua Mikumbi 5:1

Nga bokona kiá mu kadíbhia kami, phangʼiami ia muhatu, bhànga diami! Nga munu uasu uami ua sumuna ni ima iami ia mazumba; nga katula kixila kiami, eme nga ki di ni uiki; o vinhu iami nga i nu ni lete. Dienu, nuenu, enu mu makamba mami! Enu nga mi zola kiavulu, nuenu muene kioso ki mua tena!

Izaía 25:6

O Jihova dia Ilombo, mundu uoso ua-nda ku u bhangela kizokola ku mulundu kuenhuku, ni iama ia nete; kizokola kia vinhu ia kenzuluka, ni malonga a uôngo ua ifuba, ni vinhu ia iuka ia kenzuluka kiambote.

Izaía 55:1

Enu, oso muala ni dinhota izenu ku menha, nʼenu oso mua lémbua kitadi, izenu, sumbenu, mu die; eué, zenu, mu sumbe mu ngoho sé kitadi, né suilu, vinhu ni lete.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Zakadiia 9:15

Jihova dia Ilombo Ieta muene ua-nda ku a xitila; akua kubhânga ni jimbalafunda a-nda kua kà a jikinisa anga a a titidila muene bhoxi; o manhinga mâ a kà ma nua kala vinhu; a-nda kua kèzala kala jímbia ja sata, a kèla muene kiololo kala bhu jithungi ja Kalatódio.

Zakadiia 9:17

Mukonda muene o jihenda jê jivula! O kuiuka kuê kuahi ngó! Minzangala ia mala ia ka tambula nguzu mukonda dia tiluku, o anʼa ilumba mukonda dia vinhu ia uisu.

Matesu 16:18

Kala kiki, ngi ku ambela dingi, kuma eie Phetele, o bhu ndànji iíi, bhene bhu ngi tunga o Ngeleja iami, o mielu ia Kalunga ki ia kà tena ku i lundumuna.

Matesu 26:29

Ngi mi ambela-phe: Tunde kiki, ku sumu ia muvide ki ngà ka nua-ku dingi, katé ki nga kà i nua ia ubhe, ni enu kiá kumoxi, ku mbanza ia Tata iami.

Marku 14:23

Anga u katula o kopho, ki a zubha kusakidila Nzambi, u a bhana, ene oso ia anu-ku.

Marku 14:25

Ngi mi ambela kidi, kuma eme, ku sumu ia muvide, ki ngi nu-ku dingi, kate kizuua ki nga ka i nua ia ubhe, mu Utuminu ua Nzambi.

Marku 15:23

Anga a mesena ku mu bhana vinhu iolunge ni milongo i sosolola o misusu, i exana mirra. Maji muene-phe, ngua-iê ku i tambula.

Marku 9:1

Anga ua ambela, uixi: Ngi mi ambela kidi, bhenhabha sai-bhu athu emana-bhu, ka ka lola kalunga kate kia ka mona o Utuminu ua Nzambi iu uiza ni kusina.

Luka 21:31

Kiene kimoxi enu uenu, ki mu mona imʼíi ia-la kubhita kiá, ijiienu-kiu kuma o Utuminu ua Nzambi ua zukama.

Luka 22:16

Mukonda ngi mi ambela kuila, o Seialu ia Phasu ki nga-nda ku i dia dingi, katé kia i kumbidila mu Utuminu ua Nzambi.

Luka 9:27

Ngi mi ambela kidi: Ene emana bhabha, sai-bhu ni iá ka kà lola kalunga, katé kia kà mona o Utuminu ua Nzambi.

Kolose 1:13

Muene ua tu kula mu ubhika ua usuku, iú ua tu bheka mu Utuminu ua Monʼ ê ua kazola.

Afundixi 9:13

Kuala muvide-phe, uixi: Kifuá ngi xia o vinhu iami i bhekesa kusanguluka ni Nzambi ni athu, ni ngiie mu bhekela ngó ku thandu dia miẋi?