Luka 21:8 - O Mikanda Ikola

⁸ Muène anga ua ambela, uixi: Alukenu, ka mi jimbidise. Mukonda a vulu a-ndu kuiza mu dijina diami, exi: Ememuène ngi Kristu, mba exi: Thembu ia zukama kiá. Enu kana-phe ku a kaiela!

Luka 21:8 ပူးပေါင်းရင်းမြစ်များ

Jelemiia 29:8

Mukonda Jihova dia Ifuẋi, Nzambi ia Izalaiele, uambe kiki: O jipolofeta jenu, ala mu kaxi kenu, ka mi tobhese, mba azambuidi enu, mba ue kubhana mátui ku jinzoji ji mua mu kuanjiua.

Matesu 24:11

Bhua kà tukuluka jipolofeta javulu ja makutu, ji kala mu jimbidisa mundu uavulu.

Matesu 3:2

Dielenu! muehe o ituxi ienu, kuma utuminu ua diulu ua zukama.

Matesu 4:17

Tunde mu thembuʼ omo, Jezú u kuata kiá kulonga mundu, ni kuta maka uixi: Dielenu! Kuma utuminu ua diulu, ua zukama!

Luka 17:23

A kà mi ambela, exi: Iú kuku! Mba Iú koko! Ki muie-ku, ki mua kaiele.

Luka 21:7

Anga a mu ibhula, exi: Mesene, i bhita tembu iahi, o ima ienhíʼii? Kijimbuete kiahi ki kala-ku, kia-ndu bhita o imʼ iii?

Luka 21:9

O ki mu ívua ita ni jimvunda ja ifuẋi, ki mu kale ni kimbuua! Mukonda imíʼii i bhinga i bhita hanji, o dizubhilu-phe ki dizʼê luua.

Nzuá 5:43

Mbata eme ngeza mu dijina dia Tata iami, enu-phe ki mu ngi tambulula. Se muthu uengi uoso-uoso uiza mu dijina diê-muène, muenhó enu muene mu mu tambulula.

Nzuá 8:24

Kiene ki nga ki zuelela kuma muandʼ ufua mu ituxi ienu. Mbata se mua kambe ku ngi xikana eme, muandʼ ufua mu ituxi ienu.

Nzuá 8:28

Kienhiki Jezú anga ua ambela, uixi: Ki mua kà zubha kuzangumuna o Monʼa Muthu, kiene ki muà kejiia mba Eme mukua-hi. Muà kejiia ue kuma Eme ki ngi bhange kima kʼ ubheka uami ngó, maji nga zuela kala kia ngi longo Tata.

I Kolindo 6:9

Inga ki mu kʼ ijiia kuma athu abhengalala ka tena kubhingana mu Utuminu ua Nzambi? Kana ku di nganala, kuma ni jindumbu, ni abhezi a iteka, ni akua jiphanda, ni mâla a ilalu, ni mâla akua kubhanga ufusa ni mâla ni akuâ.

Efezo 5:6

Ki bhu kale muthu u mi nganala ni maka ma usemenhi; kuma ima ienʼ íii iene i bheka o njinda ia Nzambi ku thandu dia oso abhukumuka.

II Tesalonika 2:3

Ki bhu kale muthu u mi nganala kioso-kioso. Mukonda kizuuʼ okio ki kiza luua, kikale ku dianga hanji kubhita o thembu ia athu kubaluka, a balukila Nzambi, o muthu ua Kisueia nʼa kà tukuluke, o monʼ a kibuika ió a mu elesela kuia mu inferno.

II Timote 3:13

Maji athu aiibha-phe, akua makutu, jindunge jâ jiia ni ku di bandekeza, a nganala athu, maji ene uâ aia ni ku a nganala.

I Nzuá 4:1

Enu akuetu, nga mi zola, kana kuxikana jinga ku athu oso a tanga kuila ala ni Nzumbi ia Nzambi. Athu kala iá mu a lola jinga phala ku a mona se ni kidi kiene ala ni Nzumbi ia Nzambi, mba kana. Mukonda Jipolofeta ja makutu javulu ja tubhuka mu ngongo.

II Nzuá 1:7

Kuma mu ngongo mua tukuluka axombi avulu. Athu a kamba kufisala kuila Jezú Kristu uejile ni mukutu ua xitu. Muthu u bhanga kiki, muxombi, muenʼió Nguma ia Kristu.

Dijingunuinu 1:3

Ua zediua uoso u tanga o divulu didi ni oso évua o maka iá a upolofeta, anga aiuka ima ioso ia soneka muenhomo! Kuma o thembu ia zukama phala ima ioso íii kubhita.

Dijingunuinu 12:9

Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.