Luka 21:36 - O Mikanda Ikola

³⁶ Uila kiki, di langienu-phe ithangana ioso, ni kudionda mu kusamba, phala mu tene kubhuluka ku ima ioso iíi, ni kuimana nzànza bhu pholo ia Monʼa Muthu.

Luka 21:36 ပူးပေါင်းရင်းမြစ်များ

Jobe 27:10

O muthu ua ibha u tanena kiebhi mua Muteni-a-Ioso? Mba u hingila kiebhi Nzambi mu ithangana ioso?.

Jisálamu 1:5

Kala kiki, ió abhumu kà tena kuimana ku mulonga, mba akua ituxi mu kionge kia athu aiuka;

Jelemiia 35:19

kala kiki, Jihova dia Huxi, Nzambi ia Izalaiele, uambe kiki: Kua Jonadabe, monʼa Lekabe, nuka kua kà kamba mona ua diiala, u ngʼimanena jinga bhu pholo iami mu ku ngi talela izuua ioso.

Malakiia 3:2

Maji nanhi ua kà kolokota bhu kizuua kia kuiza kuê? Mba nanhi ua kʼèmana-bhu kioso muene kia kà tukuluka? Mukonda muene ua kà kala mukuâ ni túbhia tua musudi-a-thumba; ua kà di fuangana kala nzabá ia musukudi.

Matesu 24:42

Langidilenu-phe! Mbata kizuua kià keza Ngana ienu ki mua kʼijiia.

Matesu 24:43

Ijiienu-kiu, se mukua ʼnzo uejidile kithangana kioso kia-nda kuiza muíi, ueji kulangidila, keji kuehela inzo iê ku i kanda.

Matesu 24:44

Kienhiki, enu uenu kalenu polondo. Mbata kithangana ki mua ki fikile, kiene kia kà tukuluka o Monʼa Muthu.

Matesu 25:13

Enu uenu langidilenu-phe, kuma kizuua ki mua kʼijiia, kithangana ki mua kʼijiia.

Matesu 26:41

Langidilenu, mu sambe, phala ki mu di bhale mu mubhetu ua Nguma. Nzumbi ia xikina kidi o kùlua ni jitendasá, maji o xitu-phe ia bhuila.

Matesu 8:20

Kuala Jezú: O makombe mene ni jingenda jâ, o jinjila ue ji bhita bhulu, sai ikalanga iâ; maji o Monʼ a Muthu-phe kala ni kididi bhua zekesa o mútue uê.

Marku 13:33

Alukenu-phe, mu langidile, mu sambe; kuma o thembu ki mua ijiia.

Marku 13:37

Kioso ki nga mi tangela enu, ene oso nga a tangelakiu: Di langienu!

Luka 1:19

Mukunji anga u mu tambuijila, uixi: Eme Ngabidiiele, ngene kuimana bhu pholo ia Nzambi. Muène iu ua ngi tumu ku ku zuelesa, ku ku tudila o njimbu iíi iambote.

Luka 18:1

Jezú anga ua tela kifika phala ku a longa kuma a tokala kusamba jinga, sé kubhuila;

Luka 20:35

Oso-phe a kà fuama mu kikexilu kiókio kia diulu, ni mu kufukunuka kua afi, kà sakana dingi, né mala, né ahatu.

Luka 21:35

Mukonda kizuua kiki, kiene ki kia-nda kuiza kala mubhetu ku thandu dia oso a tungu mu ngongo.

Jipoxolo 10:2

Muène mubhezi, muthu ua ujitu, u xila Nzambi ni dibhata diê dioso. Mukua kubhana jimola javulu mu kukuatekesa o Jijudé, oso ala jingadiama, ni kusambela jinga Nzambi.

I Kolindo 16:13

Di langienu, mu di fikidile mu kuxikana. Bhangenu ukuenze, mu suine.

II Kolindo 4:14

Kuma etu tua kʼijiia kuila o Nzambi ió uoso ua fukunuine Ngana Jezú, u tu fukununʼetu kumoxi ni Jezú, hé ua kà tu bheka kumoxi ni enu bhu pholo iê.

Kolose 4:2

Kolokotenu mu kusamba, muila ni kulangidila ni kusakidila jinga Nzambi.

I Tesalonika 5:17

Sambenu sé kufula;

II Timote 4:5

Eie-phe enda ni ku di langa mu ima ioso. Kolokota o kutala hadi, kalakala kia tokala o mukunji ua Njimbu Iambote, kumbidila kiambote o ungunza ué kua Nzambi.

I Phetele 4:7

Disukilu-phe dia ima ioso dia zukama. Kuatenu-phe kilunji, mu kale ku mesu azele, mu kale mù samba.

I Phetele 5:8

Kalenu ku mesu azele, mu di lange! Kuma o nguma, Diabhu, ua di bhange, mukuâ ni hoji iala mu zuma, u nhunga jinga mu jimbamndu jenu mu kusota uoso a mu dia.

I Nzuá 2:28

Xi! Kiki-phe, tuana tuami, jijilenu o kukala mu ukamba ni Kristu, phala se uedi u tukuluka, tu bhue uôma. Mbé ki tu kale ni jisonhi bhu pholo iê, hé tuà ka bhindamena kudisueka bhu Kizuua bhuoso muène bhua kà tukulukila.

Juda 1:24

O kiki Nzambi ió ua tena ku mi fudisa ku-di-bhukana ni mu di bhale, ua tena ku mi bhixidisa bhu pholo ia kubenha kuê ni kusanguluka, sé ngó kisemu,

Dijingunuinu 11:4

Mbangi jiiadi ene o mixi iiadi ia midiva, ni tundeia tuiadi, tuemana bhu pholo ia Ngana uavu o ixi.

Dijingunuinu 6:17

Kuma o kizuua kia dikota kia njinda iâ kia tula! O u tena kuimana-bhu, mukua-hi?

Dijingunuinu 7:9

Kia bhiti imʼíii, ngedi ngi tala, kua moneka mundu uavulu kana muthu u tena ku u tanga! Ua tundu mu ifuẋi ioso, ni mu miji ioso, ni mu madiembu moso, ni mu madimi moso. Emana bhu pholo ia kiandu, ni bhu pholo ia Kambudi, a kembe ni izuatu izela, a kuata isalale ia maie bhu maku.

Dijingunuinu 8:2

Anga bhenhobho ngi mona sambuadi dia anju ene kuimana bhu pholo ia Nzambi, a a bhana sambuadi dia koloneta.