Luka 21:34 - O Mikanda Ikola

³⁴ Mu ku zubha, Jezú uixi: Alukenu-phe, ki mu di jimbe! Miẋima ienu ni i biluke ia neme ni kúdia jifesa, ni kunua uhôlua, ni makubhindama ma muenhu iú, kizuua kiókio ni ki mi tukumuise kala mubhetu.

Luka 21:34 ပူးပေါင်းရင်းမြစ်များ

Dimatekenu 19:32

ndoko, zá, tatʼetu tu mu kodiuise ni vinhu, phala tu zeke-nê, mbé tu sokolole o mbutu ia tatʼetu phala i nangenene.

Dimatekenu 19:35

Anga a mu nuisa dingi vinhu usuku uenhó; ndenge anga u balumuka uia u zeka-nê; muene-phe ka kʼijiia kioso monʼê kia zeka ni kioso kia balumuka.

Dimatekenu 27:14

Muene anga uia, u ji takana, u tudila manhʼâ, muene hé u bhanga o guizado iatouala, iene mu uabhela phaiʼiâ.

Jisálamu 35:8

Enhó-phe kibuika kiâ a ki tukumuke; a fue muene mu uanda ua telele akuâ; a dibhale ene mu diela diâ dia kande.

Jisabhu 21:4

Mesu a di tudika ni muẋima ua di zangeleka, kituxi; katé ni ikalakalu ia athu abhumu ue, kituxi.

Jisabhu 23:20

Ku kale mu kisangela kia jihólua ja vinhu, mba u di bunda kumoxi ni jingandixi ja kudia xitu.

Ndongixi 9:12

Ni kuila ue o muthu kʼejiia o thembu iê; mukua ni jimbiji kia ji tamba ni uanda ua usuéia, kala o jinjila ki ji fua bhu mubhetu, kiene ue ki fua o anʼathu mu jithembu ja bhônzo, kioso muʼanzanzʼumu ki ji a tukumuisa ku thandu diâ.

Izaía 28:7

Maji ni athu enhá ue, a tondala mukonda dia vinhu; a lueza o njila mukonda dia uhôlua ua lulu kinéne, enda ni ku bhendujuka; katé o nganga ni musesedi a tondala ue, mukonda dia uhôlua ua lulu kinéne; o vinhu ia a jikinisa; a jimbila o njila, kingumba o kúnua uhôlua ua lulu; a tondala mu ixinganeku, a di bhukajana mu kilunji.

Hozeia 4:11

O uhabhu, ni vinhu ni maluvu, a katula kilunji.

Ijila 10:9

Kana kúnua vinhu, mba kúnua kuoso-kuoso ku kodiuisa, né eie mba o anʼê oso u uala-nâ kioso ki muia mu balaka ia kutakanena, phala ki mu fue; ki kala kijila ku miji ienu ioso katé ku hádia ni hádia;

Matesu 13:22

A mu kuua mu minha, muenhú uívua maka, maji o luímbi lua mu ngongo-phe ni kusênduka kua jimbongo, kubhaka o maka mu a vundu, anga u tokoka kuima ibundu.

Marku 13:9

Enu-phe di langienu! Kuma a ka mi kuta ni ku mi thelekala bhu kionge phala ku mi fundisa, a ka mi beta mu malombe. Mukonda diami a ka mi bheka bhu pholo ia jinguvulu ni enexi, enu he mua ka a tudila o Njimbu Iambote, mu ku a bhana umbangi.

Marku 4:19

o jihele ja mundu iu, ni músendu ua jimbongo ni maluimbi ma ima iengi, ma bokona, anga ma bhaka o maka mua vundu, he ma tokoka kuima ibundu.

Luka 10:41

Ngana-phe ua mu vutuila, uixi: Marta, Marta, eie ua lalama, kuma ua tandanganha ni ima iavulu.

Luka 12:40

Enu uenu di iudikienu; mukonda o kumbi ki mu di fika, Monʼa Muthu diene dià keza.

Luka 17:3

Di langienu! Phangʼié se ua ku te kituxi, u mu bazela. Se ua diela, u mu loloka.

Luka 21:35

Mukonda kizuua kiki, kiene ki kia-nda kuiza kala mubhetu ku thandu dia oso a tungu mu ngongo.

Luka 21:8

Muène anga ua ambela, uixi: Alukenu, ka mi jimbidise. Mukonda a vulu a-ndu kuiza mu dijina diami, exi: Ememuène ngi Kristu, mba exi: Thembu ia zukama kiá. Enu kana-phe ku a kaiela!

Luka 8:14

O ia sonoka mu ʼaxaxe ka minha, enhá évua, o ku pholo ku aia a xala mu mvunde ia maluimbi ni jimbongo, ni mísendu ia muenhu iú, ka bhana kibundu ni kíbhi.

I Kolindo 5:11

Maji ki tualʼ iki, eme ngambe kuila se muthu a mu ixana phange ietu u kala ndumbu, mba kinjenje, mba mubhezi a iteka, mba muxingi a jindaka, mba hôlua, mba mukua kutatela akuá ima ka i bhange, mba munhani, athu a kala kiki, kana ku di tambulula-nâ, né ngó kuxikama mu kudia-nâ ku meza.

I Kolindo 6:10

Ni mii, ni akua luimbi, ni jihôlua, ni axingi a jindaka, ni ingulungumba, ene oso kà tena kubhingana mu Utuminu ua Nzambi.

Ngalásia 5:20

Ubhezelu ua iteka, uanga, athu a di kuatela unguma, a di dia milonga, a di bhanga kusuina, a di temena, a di kuata jimvunda, akua difuba, akua luimbi. A di zemba, a di muangununa ku madianda-madianda, ni ku ibuka-ibuka.

Matendelelu 29:19

Ki bhu kale ue muthu o kievua maka ma mázui iá mʼònake mu divulu didi, anga ukuata ku di bhomba mu muxima ué, uixi; Ki kidié kima, né ngendʼami kala kia ngi tumu o muxima uami, hanji nga-ndu kalʼami muene ni kutululuka kua mbote; anga ku dinhota u bandekeza-ku uhólua.

Filipe 4:6

Ki mu kale ni hele ia kima, ki mu ile bhidibhidi, maji ima ioso-phe iiza-ku, mu ila ni kusamba ni kudionda, kumoxi ni kusakidila, mu ende ni kubhinga kua Nzambi ioso i mua mesena.

Jihebeleu 12:15

Muila ni ku di langa kiambote, phala mudienu ki mu kale muthu u tokoka o kiadi kia Nzambi. Di langienu, phala ki bhu kale muthu uila kala muxi ua lulu, u sabhuka, ni u mi tatese, hé u sambukisa athu avulu ni ndululu iê ia kulula.

II Phetele 3:10

Maji kizuua kia Ngana-phe, hinu kʼiza kala kʼiza o muii. Mu kizuuʼokio o maulu ma kà jimuka ni mutendu ua dikota, ima ioso ia moneka ku mesu iala mu dimbinza, ia kà jokota ku tubhia. O oxi ni imbamba iê ioso iala-mu, ia kà jimuka.

II Phetele 3:14

Uila kiki-phe, enu akuetu, nga mi zola, kuma mua kinga o Kizuuʼ okio, kuatenu muanu phala ki mi sange muala ku paze ni Nzambi, sé ngó dixaka, sé kuêla, ku mesu mê.

Dijingunuinu 3:3

Mukonda dia kienhiki, xinganeka-phe kioso ki ua di longa, kioso ki uévua. Aluka-ze, u diele ituxi ié. O ki u kamba kudilanga-phe, hinu ngi ku sanga kala muii, o ola ioso i ngi ku tutuuila ku i ijiia.

I Samuuele 25:36

Abingaile anga uiza dingi kua Nabale, u mu sanga ua-lu bhanga fesa ia dikota mʼonzo iê, kala kizokola kia sobha. Nabale muene muẋima uê moxi ua mu tana, kuma ua kodiua kiavulu; mukonda dia kiki muene ka mu tangela kima, né kiofele né kionéne, katé ki kuákie.