Luka 21:12 - O Mikanda Ikola

¹² Kioso-phe ima iíi kilua i bhita, enu a-nda ku mi kuata, a-nda ku mi zukutisa. A kà mi bheka mu malombe, phala ku mi fundisa ni ku mi takula mu jikaleia. A mi ambata bhu pholo ia enexi ni jinguvulu, mukonda dia dijina diami.

Luka 21:12 ပူးပေါင်းရင်းမြစ်များ

Matesu 22:6

Axala-ku anga a kuata jiphunga jê, a ji bhanga ufusa, a ji jibha.

Matesu 24:8

Ima ioso iii-phe dimatekenu ngó dia malamba, kala misusu ia muhatu ua-nda kuvuala.

Luka 21:11

Ku ididi imoxi-mu, oxi iandu tunguta kiavulu; ku ididi iamukuá ku bhita jinzala ni mabhebhu. Ku kala madiuanu ma kuatesa uôma, athu a kà mona ijimbuete ni isumua iònene ku diulu.

Nzuá 15:20

Lembalalenu o maka u nga mi ambela, ngixi: Mubhika ka tundu ngana iê. Se a ngi zukutisa eme, enu uenu a mi zukutisa; se aiuka maka mami, enu a mi aiuka ue o maka menu.

Nzuá 15:21

Ene a mi bhanga ima ioso iíi mukonda dia dijina diami, mukonda Ió ua ngi tumu, ka mu ijiia.

Jipoxolo 22:30

Ki kukia, kuma Komanande ua mesena kuijiia o kidi kioso kia mu tatela o Jijudé, ua tumu kujituisa o malubhambu oso a kutile-nâ Phaulu, iú ua tumu Jinganga ja makota ni Kionge kioso kia Dikota kubhongoloka. Anga uiza ni Phaulu, hé u mu bhaka bhu ʼaxaxe-kâ.

Jipoxolo 5:40

O ki exana Jipoxolo, a a bhesa jixikote, hé a a kidika exi kana kuzuela mu dijina dia Jezú, anga a eha.

Jipoxolo 8:3

Saúlu-phe u kala mu muanga o Ngeleja, ualu sota ku i zubha-ku. U bokona mu jinzu joso, u koka-mu mala ni ahatu, u a tesa mu ʼaleia.

Jipoxolo 9:4

Muene ua di bhale bhoxi, anga u ivua dizui dia mu ambela, dixi: Saúlu, Saúlu, eme ualù ngi zukutisila-hi?

I Phetele 2:13

Mukonda dia Ngana, athu oso a a bhana kijîngu, a belesedienu: kixi muenexi, ua suku ku pholo;

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.