Luka 21:1 - O Mikanda Ikola

¹ Jezú anga u kala mù tongolola kia mu bhanga athu mu Tembulu. U bhetula mesu, anga u mona jimvuama jala mù ta kitadi mu dizaku dia Tembulu.

Luka 21:1 ပူးပေါင်းရင်းမြစ်များ

I Jisobha 14:26

Anga u katula jimbongo joso mʼonzo ia Jihova ni jimbongo joso mʼonzo ia sobha; ima ioso muene, ua katula. Anga u katula ue ni ngubu joso ja ulu ja bhangele Solomá.

II Jisobha 12:9

Maji-phe o nganga Joiada ua zangula mbaúlu hé u i kubula dizungu ku thanduʼa kivunginu kiê; hé u i tula bhu mbandu ia kalatódio, ku lukuaku lua kadilu lua oso a bokona mʼonzo ia Jihova. O jinganga ja kexi mu kulangidila bhu dibhitu dia kubokuena, aia ni ku ta mueneʼomo o kitadi kioso kia kexi mu bheka athu kʼonzo ia Jihova.

II Jisobha 24:13

O jimbongo joso ja inzu ia Jihova ni jimbongo joso ja dibhata dia sobha, ua ji katula iú uai na-ju; o itutu ioso ia ulu ia bhangele Solomá, sobha ia Izalaiele, ua i bula-bula kala kiambe o kizuelu kia Jihova.

II Malunda 36:18

O itutu ioso ia inzu ia Nzambi, ni ia makota ni iòfele, ni jimbongo ja inzu ia Jihova, ni jimbongo ja dibhata dia sobha, ni ja ilamba iê, iene ioso ua i ambata, uai na-iu ku Babilónia.

Nehemiia 13:13

Anga ngi zangula nganga Selemiia, ni musoneki Zadoke, ni Pedaia, uatokala mu akua Leví, hé ngʼa a baka mu kutambula konda ia inganja ni kubhaka o itadi ni mákudia; o kua ene ngi ta-ku Hanane, monʼa Zakule, dia monʼa Mathaniia phala kukala kibese kiâ, mukonda a kexile athu a kidi, akua kitongola; anga a tuika uâ ene o ku uanena o jiphange jâ.

Matesu 27:6

Jinganga ja makota anga ji katula itadi ia phalata, exi: Mu Kitumu kietu, ku ki ta mu kofidi ki kôla, kuma kia sumbu manhinga.

Luka 20:47

A tobhesa atudi a ahatu anga a hábula o mabhata mâ. O mu kusueka o mangonha mâ, a bhana misambu ialebha. Enhá a-ndu beta kuêla mu kizuua kia kufundisa.

Nzuá 8:20

Jezú ua tange makʼ ama, kioso kia kala mù longa mu Tembulu, bhua lulama ni bhu kididi kia kofidi. Kana muthu-phe ua mu kuata, mukonda kumbi diê kiluua di bhixila.

Josuué 6:19

Maji o phalata ioso-phe, ni ulu, ni itutu ia ngôndo, ni felu, iangene i kôla ia Jihova; kikale iza mu dilundilu diê.

Josuué 6:24

Mbonge anga a i ta mu túbhia, ni imbamba ioso iala-mu; maji o phalata ni ulu, ni itutu ia ngôndo ni felu a i bheka mu dilundilu dia inzu ia Jihova.