Luka 20:47 - O Mikanda Ikola

⁴⁷ A tobhesa atudi a ahatu anga a hábula o mabhata mâ. O mu kusueka o mangonha mâ, a bhana misambu ialebha. Enhá a-ndu beta kuêla mu kizuua kia kufundisa.

Luka 20:47 ပူးပေါင်းရင်းမြစ်များ

Izaía 10:2

Mbé kubhanga o phulu mu ku fundisa o jingadiama ni kukatula o kulunga ku jiphulungu ja mundu uami; phala o kubhûnda atudi, ni kunhana o jihukunhu.

Izekiiele 22:7

Ni tata ni mama a di tunina jinga na-u momué; o ngenji a mu bhondelekela jinga momué; o hukunhu ni mutudi momué a a talesela-mu hadi.

Izekiiele 33:31

Ene anga eza kokué, kala o mundu ki uejidila kiá o kuiza, hé a xikama bhu pholo ié-eie, kala mundu uami, anga evua muene o maka oso u uà tela, maji ka xikina kuia ni ku a bhanga; mukonda a bhomba ni dikanu diâ, maji o muẋima uâ uala ku kaiela o unjenje uâ.

Amoji 2:7

Ngadiama, ua tate, ene a mu fufujula o mútue mu mavu; o njila ia athu a lenduka a i bhengeleka; anga ela ni tata ni mona a bokona kilumba kiâ kimoxi, mbebhu kuxingisa o dijina diami di kôla.

Mikeia 2:2

Mikáu iangene ia a kuata luimbi, a i bhûnda muene ku jingana jê, ni jinzu anga a ji tambula muene phala ene; anga ela o diiala a mu bhanga kusuína ku inzu ié ia muambeʼa kidi, o muthu a mu bhanga usuéia ku undundu uê.

Mikeia 2:8

Kindalʼiki akua muiji uami a balumuka mu ku lunguluka mukuâ ni nguma; iú ua kexile mu kubhita njila ié o thanga a mu bhûndu-iu, edi kala mala ala kutunda ku ita.

Mikeia 3:2

Enu mua dizemba ni kubhanga o mbote anga mu dizola ni kubhanga kiaiibha, akua muiji uami mu a kalumuna o kikonda ku kanga ni xitu mʼoxi ku thandu dia ifuba iâ.

Matesu 23:13

Enu-phe lamba dienu, mu akua kulonga kitumu ni enu mu jifalizeu, mu akua mangonha! Mukonda ku Utuminu ua diulu mua jika-ku ku pholo ia athu, enʼ uenu kubokona nguenu; ni iá andekene kubokona, ki mu a ehela. [

Matesu 23:14

Lamba dienu, mu jimesene ja kulonga Kitumu ni enu mu jifalizeu, mu akua mangonha! Kuma atudi mu a bhanga ufe, hé mu dia o mabhata mâ, uii uenu anga mu u suekela mu kubhana misambu ialebha! Kiene ki mua kaú tambuila kaxtiku ka beta ukota!]

Marku 12:40

Ene a dia mabhata ma ngene ma atudi, anga a sueka o mangonha ma mu kusamba kuavulu. Enhá, o kaxtiku ka ka kala ka dikota.

Luka 12:1

Bhu ʼaxaxiʼabha, kia di bhongolola o kifuẋi kia jimidi ja athu, katé kia kala mu ku di diota, Jezú u kuata kuambela o jixibulu jê, uixi: Alukenu o kithûthume, kia ulongelu ua jifalizeu, mukonda dia umbomboku-mbodi uâ.

Luka 20:46

Di langienu ni asoneki, kuma a uabhela kuenda ni izuatu ialebhelela, ni ku a menekena ni ujitu uoso bhu jisoki ni bhu itanda, bhu ezala o mundu. A sola ididi ia dianga mu jinzo ja kubhezela Nzambi, ni ididi ia ukota mu jifesa.

Luka 21:1

Jezú anga u kala mù tongolola kia mu bhanga athu mu Tembulu. U bhetula mesu, anga u mona jimvuama jala mù ta kitadi mu dizaku dia Tembulu.

I Tesalonika 2:5

Tundietu, kiluua tu kala ni maka ma kuhanza athu, enʼuenu mua kʼ ijiia, kiluua tu kala ni maditatu ma luimbi lua kutambujula itadi. Nzambi mbangi ia ima ienʼiii.

Tito 1:16

Amba, exi, Nzambi tua mu ijiia; maji a mu dituna mu imbamba iâ ia bhanga. Ala ifusa, a xibhaki, imbamba ioso ia mbote a i tokoka.

Tiiaku 3:1

Enu phange jami, athu mudienu ka vudile ku di bhanga jimesene ja kulonga maka mu Ngeleja, kuma mua kʼijiia kuila etu, tua mu longa o maka, hinu tua kà kala kota mu kuêla athu oso ndenge, hàdia kia kà tu fundisa.