Luka 20:41 - O Mikanda Ikola

⁴¹ Jezú muène anga ua ebhudisa, uixi: Ala kuzuela kiebhi, kuma Kristu monʼa Davidi?

Luka 20:41 ပူးပေါင်းရင်းမြစ်များ

Jelemiia 33:21

kuabhu-phe, ni kikutu ki nga te ni Davidi, dia mubhikʼami mu tena ue ku ki tumbulula, phala ka kale ni mona ua diiala u tumina bhu kiandu kiê; kiene kimoxi ue ni jilevita, o jinganga, akunji ami.

Matesu 1:1

Divulu dia Uvadiue ua Jezú Kristu, monʼa Davidi, monʼa Mbalahamu.

Matesu 9:27

Kutunda bhobho, Jezú u kala mu bhita, ifofo iiadi anga i mu kaiela ni ku di kola, exi: Tu kuatele henda, u monʼ a Davidi!

Nzuá 7:42

Mu Madivulu ma Kôla ki mualu kuamba kuma Kristu u tunda ku muiji ua Davidi, ni bhu sanzala ia Beleme, bhua tungile Davidi?

Jipoxolo 2:30

Muène-phe kuma ua kexi polofeta, uejidile kuma Nzambi ua mu lokela kuila ku mbutu ia malômbo mê, hádia kukala muthu ua kà xikama ku kialu kiê kia ungana.

Dijingunuinu 22:16

Eme, ngi Jezú, nga tumu anju iami ku mi bhana umbangi ua imʼiii mu jingeleja. Eme ngi lundânji, nga tokala ku luvualu lua Davidi. Eme ngi théthembua ia kubenha, i muika mu kimene.