Luka 20:36 - O Mikanda Ikola

³⁶ Ka tena dingi ue kúfua, a kà kala mukuâ ni ji-anju. A kala anʼa Nzambi, mukonda anʼ a difukunukinu.

Luka 20:36 ပူးပေါင်းရင်းမြစ်များ

Izaía 25:8

O kalunga ua ka kà bhuisa-ku muene nzaká, kienhiki Jihova ua kà kondona o masoxi mu pholo joso, inga mu ixi ioso u katula-mu o kusebuluka kua mundu uê, kuma Jihova muene ua ki tange.

Hozeia 13:14

Hinu eme ngʼa kula ku uzonda ua mbila, hádia eme ngʼa tambula dingi kua kalunga-a-ngombe. Eie kalunga, o hadi i ua talesa jinga athu iii kuebhi? Eie mbila, o kusengulula kué kuebhi? O kudiela kua-nda kusuama, ki kua kà moneka dingi ku mesuʼami.

Zakadiia 3:7

Jihova dia Ifuẋi uambe kiki: Se uenda mu jinjila jami, anga uaiuka kiambote o ima i nga kuambela, eie ue ua kà findisa dibhata diami, ua kà kala ue u mulangidi ua imbaka iami, nga kà ku bhana kididi, ua kà nhungʼé muene muʼaxaxe ka iá ala bhabha.

Matesu 22:30

Kuma ku difukunukinu athu kà sakana, kà bhana mu kusakana, a kala-phe mukuâ ni jianju mu diulu.

Marku 12:25

Mukonda kioso kia ka fukunuka o madifundu, ki kua kala dingi kusakana, mba kusakanesa. Athu a kala-phe mukua ni ji-anju mu diulu.

Loma 8:16

O Nzumbi ia Nzambi muene u bhana umbangi ni nzumbi jetu, kuma tuala tu anʼa Nzambi.

I Kolindo 15:26

O nguma i sukidila ku i bhuisa-ku, o kalunga.

I Kolindo 15:42

Ni mu kufukunuka kua madifundu ue kiene. O mukutu kioso kia u funda, mukutu ua di fila; maji o ki u fukunuka, ua kà kala mukutu ki ufu dingi.

I Kolindo 15:49

Mukuâ ni ki tua di fuangana ni muthu ió a mu bhangele ni mavu ma bhoxi, kiene ue ki tua kà di fuangana ni Muthu ió mukua diulu.

Filipe 3:21

Muène, o mukutu uetu uasebuluka ua kalunga, ua kà u bhana kidifua kiòbhe, phala u di fangane ku mukutu uê Muène ua kubenha, kabasa o kutena kuê kuala na-ku, kuasoko mú tolola ima ioso ni i mu belesela muène.

Dijingunuinu 20:6

A zediua, ia a lunguâ kiavulu muene, ió oso a mona mbandu iâ mu difukunukinu didi dia dianga. Enhó, o kalunga ka kaiadi, ki ka a tena dingi. A kà kala jinganga ja Nzambi ni ja Kristu, a kalanê ku ungana midi ia mivu.

Dijingunuinu 21:4

Muène u a kondona o masoxi moso ku mesu mâ! Ki ku kala dingi kùfua, nè ngó mukondo, mba kudila, mba kukata. Mukonda ima ia diangèle-ku, ia bhiti.

Dijingunuinu 22:9

Muène-phe, uixi: Aiuka, kana kubhanga kiki! Eme uami ngi selevende ni mukuenu, nga sokela ni phange jé, o jipolofeta, ni ene oso kiá aiuka o maka ma divulu didi. Bheza Nzambi!