Luka 20:22 - O Mikanda Ikola

²² O kiki, tu tangele: Kala ki ala mu Kitumu kietu, tua tokala tu bhana o lubhaku kua Sézalu dia mukua Loma, inga Kana?

Luka 20:22 ပူးပေါင်းရင်းမြစ်များ

Ejidala 4:13

Kala kiki-phe, ijiia na-kiu dingi lua mukuá, eie sobha, kuila se o mbonge ioio a i tunga dingi muene lua mukuá, o imbaka iê ioso hé i vutuka bhu kididi kiê kia ukulu, ima ia tokala ku futa, ene ka-nda ku i futa dingi, ni madijimu ni mibhaku; mu ku bhanga kiki, a-nda ku tununa jimbongo ja jisobha.

Ejidala 9:7

Tundé mu izuua ia jitata jetu ndú mu lelu, tuala mu kuela kua dikota; mukonda dia ikuma ietu, a tu bhakula, nʼetu, ni jisobha jetu, ni jinganga jetu bhu maku ma jisobha ja akua jixi jengi, etu tua kituka tu mbole ia xibhata, ni ubhika, ni ku tu bhûnda, ni pholo ia tu tandanganha, kala ki kia di monekena lelu!

Nehemiia 5:4

Bhu kala ue ni iá amba jinga, exi: Etu ni kufuta ngó o lubhaku lua sobha, tua sobho kitadi kia ngene, bhu kididi kiê etu tua ximbika o jixi jetu ni mivide ietu.

Nehemiia 9:37

O ibundu ia mu bhakula o ixi iii, iangene ia jisobha, ji ua tuika o ku tu bhikisa, mukonda dia ituxi ietu; ene ia a kuata kubhikisa o mikutu ietu, kala kiasolo mu mixima iâ; etu tuala mu kubhondalala kua dikota.

Matesu 17:25

Muène uixi: Xi! Kia zubha kutula mʼonzo-phe, Jezú u dianga ku mu ambela muène, uixi: Ximá eie ua fika kiebhi? O jisobha mu ngongo ji tambula madijimu ni lubhaku kua nanhi? A tambula ku anʼa akuaʼ xi, inga ku athu engi?

Luka 20:21

Anga phombi jenhiji jiza, ji mu ibhudisa, jexi: Mesene, tuejiia kuma Eie o ima i u zuela, i u longa, ia kidi. Tuejiia ue kuila ku suu jipholo ja athu, maji u longa o njila ia Nzambi ku athu ni ku a londekeza o vondadi iê mu kidi.

Luka 20:23

Jezú-phe ua mono o ndunge iâ, anga ua ambela, uixi: Ngi bhekedienu hanji denádia.

Luka 23:2

O kuenhoko anga a kuata ku mu tatela, exi: Muthu iú tua mu kuata ni kufunhisa o kifuẋi kia mundu uetu. Uala ku fudisa athu kubhana lubhaku lua Sézalu, uixi: Eme-muène ngi Kristu, ngi muenexi.

Jipoxolo 5:37

Ku izuua kua di zangeleka dingi Juda, mukua Ngalileia, mu thembu ia kusoneka madijimu. Anga u sunga ue mundu uavulu a mu kaiela; maji muene ue uafu, ni athu oso a di tumine-nê a muangana.

Loma 13:7

Kala kiki, bhanenu-phe kua ene oso kioso ki mua tokala ku a bhana: Lubhaku kua ió ua tokala o lubhaku; dijimu kua ió ua tokala o dijimu; uôma kua ió ua tokala uôma; ujitu kua ió ua tokala o ujitu.

Matendelelu 17:15

inda u hingisa-ku uoso a mu sola kuala Jihova Nzambi ié; muenexi u mu nona mu jiphange jé. Kana ku hingisa-ku nzuángiza ua kambe kutanga undandu ni jiphange jé.