Luka 20:21 - O Mikanda Ikola

²¹ Anga phombi jenhiji jiza, ji mu ibhudisa, jexi: Mesene, tuejiia kuma Eie o ima i u zuela, i u longa, ia kidi. Tuejiia ue kuila ku suu jipholo ja athu, maji u longa o njila ia Nzambi ku athu ni ku a londekeza o vondadi iê mu kidi.

Luka 20:21 ပူးပေါင်းရင်းမြစ်များ

II Malunda 19:7

O kiki-phe, uoma ua Jihova u kale ni enu; alukenu-kiu, mu ki bhange; kuma kua Jihova, Nzambi ietu, ki ku moneka kituxi, mba kusuua jipholo ja athu, mba kuẋikina maujitu.

Jobe 34:19

Kuambe dingi ió kene ni kubhanga katungu ka uthu ua ilamba, mba mvuama u beta ku mu bhana ujitu, o jingadiama nʼa kala ndenge; kuma enʼoso kikalakalu kia maku mê.

Jisálamu 12:2

Kala muthu u tanga makutu kua mukuá; mizumbu iâ ia kutobhesa ngó akuʼá; a zuela ni miẋima iiadi.

Jisálamu 55:21

Mu kanu diê mu nengana kiambote kala matheka, maji ku muẋima-phe kua mu kala mvunda; maka mê ma ẋanana kala maji, maji ua ku zuikila o dizu kala xibhata.

Matesu 22:16

Anga a tumikisa kua muène jixibulu jâ, ni akua Helode, exi: Mesene, etu tuejiia kuma Eie u mukua kidi, u longa njila ia Nzambi sé makutu, sé uôma; ku tena kulenga pholo ia muthu.

Marku 12:14

O kia zubha kutula, exi: Mesene, etu tua kuijiia kuila u mukua kidi, ku lenge muthu uoso-uoso. Mukonda eie ku suu jipholo ja athu, u longa kidi o njila ia Nzambi. O kiki tu tangele hanji: Tua tokala kubhana lubhaku lua Sézalu, inga kana? Tu lu bhana, inga ki tu lu bhana?

Luka 20:20

Anga a kala ku mu batamena, hé a tuma-ku jiphombi ja futila kitadi, ja di fikisa kala athu aiuka, phala ku mu kuatela mu kuzuela kuê, ni a mu bhane ni mulonga kua nguvulu.

Luka 20:22

O kiki, tu tangele: Kala ki ala mu Kitumu kietu, tua tokala tu bhana o lubhaku kua Sézalu dia mukua Loma, inga Kana?

Nzuá 3:2

Muène anga uiza mʼ usuku kua Jezú, hé u mu ambela, uixi: Labi, etu tuejiia kuma eie u mesene ua tundu kua Nzambi, mukonda kana muthu u tena kubhanga idiuanuʼoio, se Nzambi u kamba kukala-nê.

II Kolindo 2:17

Kuma etu ki tua sokela ni athu avulu, a bhinga kuila kia tanga o Maka ma Nzambi ela kala ala ngo mu kuta uenji uâ uosouoso. Maji etu-phe Nzambi muene ua tu katula, kiene kia tu bhekela kuila mù tanga o Maka mê, ki tu zuela ni mangonha bhu mesu mê, kuma tu akalakadi a Kristu.

Ngalásia 1:10

Manhi ki ngalʼ iki, ngalù sota ngó kukala mu ujitu ua athu? Lémbua! Kuma o ki nga solo eme, o ujitu ua Nzambi! Mbé kifua ngalù sota ngó kuuabhela athu? Se nga kexile mù uabhela ngó athu, ki ngejù kala dingi ngi selevende ia Kristu.

Ngalásia 2:6

O ió-phe oso a fumana ku uadiakime, (hé a dianga, eme ki kia ngi kuatela kima kuma Nzambi kene ni katungu ka athu)—enʼió a fumana, ka ngi bandekezele kima kiengi kia ubhe.