Luka 20:20 - O Mikanda Ikola

²⁰ Anga a kala ku mu batamena, hé a tuma-ku jiphombi ja futila kitadi, ja di fikisa kala athu aiuka, phala ku mu kuatela mu kuzuela kuê, ni a mu bhane ni mulonga kua nguvulu.

Luka 20:20 ပူးပေါင်းရင်းမြစ်များ

II Samuuele 14:2

Jouabe anga u tuma ku Tekoua, u takana-ku muhatu mukua kilunji, anga u mu ambela, uixi: Nga ku diondo, u di bhangesa kala muthu ku muẋima kua mu bolo, uala mu dila dikokolo; u di ta izuatu ia luto, kana ku di uesa maji, u kala muene kala muthu ua bhange thembu iavulu ku luto mu dila difundu.

Jisálamu 38:12

Enhó ue ala ku ngi seia o muenhu uami, a mu ngi tela míkala; athu ió a mesena ku ngi kuama, a tanga ima ia phulu ioso; a nanga kumbi dioso dia kambàmba ni ku ngi kanena.

Jisálamu 66:3

Ambelenu Nzambi: Eie Ngana u kindanda mu kukalakala kué! mukonda dia nguzu ié iavulu, jinguma jé ja-nda kuiza ku ku belesela.

Jisálamu 81:15

Oso a zemba Jihova, eje kuiza kua muene ni kudiunda; ene-phe o thembu iâ ienhiʼii, ieje kunangenena.

Jelemiia 11:19

Eme-phe ngedile kala kambudi ka belesela, kaia bhu dijibhilu; mbata ki nga kʼijidile kuamba ala ku ngi ta kikutu, exi: Tu jikinisienu o muxi ni ibundu iê; tu mu batudienu mʼoxi ia athu a muenhu, phala ki bhu kale dingi kulembalala o dijina diê.

Jelemiia 18:18

Bhenhobho ene exi; Izenu tu di kunde kioso ki tu bhanga mu kununguna Jelemiia; kuma-phe o ngonge ia nganga mba kaiula ka ngambi, mba kizuelu kia musesedi ki iene kufula: izenu tu mu kuame ni dimi, maka mê oso-oso, kana dingi kua evua.

Jelemiia 20:10

Mukonda nga mu kuívua ki ala kulongolola o mundu, o ku mbandu joso ku kuata uoma, exi: Tu ambelienu-kiu etu tua kà mu tungunune; katé ni iá u nga di bhana-nâ ala ku kinga o kubhendujuka kuami, exi sumba u kala ni bhua tolokela; bhene-phe kiá bhu tua-nda ku mu kuatela, tu mu bhuile mabhukubhuku.

Daniiele 6:4

Kienhiki ni mavunda ni ilamba akuata ku sota kithangana kia kukuata Daniiele ni kikuma ku utuminu uenhó, phala a mu kundûle; maji kikuma ni mulonga a ki tokoka; mbata muene uakexe fiiele, uendelu uê ki u moneka kisému, mba mulonga.

Matesu 27:2

Anga a mu kuta, aia-nê kua nguvulu Pilatu.

Marku 3:2

Ene anga a kala ku mu tonginina mba u mu saka kia sabhalu, phala a mu tatele.

Luka 11:54

Kuma a mu batamena phala ku mu kuata mu kima kioso-kioso ki tunda mu dikanu diê.

Luka 20:21

Anga phombi jenhiji jiza, ji mu ibhudisa, jexi: Mesene, tuejiia kuma Eie o ima i u zuela, i u longa, ia kidi. Tuejiia ue kuila ku suu jipholo ja athu, maji u longa o njila ia Nzambi ku athu ni ku a londekeza o vondadi iê mu kidi.

Luka 20:26

Ene bhenhobho ka tena kukuata o kizuelu kiê bhu pholo ia athu. Anga a mu diuana kia vutula, hé a di xibha.

II Phetele 2:3

O mu luimbi luâ lua kitadi ni kuzuela kuâ kua ku di dinga, a kà mi ta uenji. Enhó tunde okulu o kuêla kuâ ki ku kokoloka, o kubuika kuâ ki ku zeka!