Luka 20:13 - O Mikanda Ikola

¹³ Ngana ia díbhia diê, anga uzuela, uixi: Ngi bhanga kiebhi? Ngi tuma-ku kiá monʼ ami ua kazola. Nga ki dielela kuila muéne a mu xila.

Luka 20:13 ပူးပေါင်းရင်းမြစ်များ

Izaía 5:4

Ihi dingi i nga tokalele kubhanga mu díbhia diami dia mivide, iii nga kambe ku i bhanga? Kia bhiti-phe kiebhi, nga dielelele kuila uima ji-úva jauabha, ni kuà keza mu bhana ikola-kola?

Jelemiia 36:3

Nga fika, kuila, akua dibhata dia Juda, a-nda kuivua ku ibha kuoso ku ngʼandala ku a bhanga, phala muthu ni muthu a diele ku njila jê ja ibha, eme nda ngi loloke kikuma kiâ ni kituxi kiâ.

Jelemiia 36:7

Amoxi o kudionda kuâ ku sonokena bhu pholo ia Jihova, kala muthu a bhane dikunda ku njila jê ja ibha mukonda njinda ia Jihova ia dikota ni kutema kuê kuene mu ku di londekeza na-ku mu ku bilukila o athu iá.

Izekiiele 12:3

Eie-phe tata, monʼa muthu, iudika imbamba ié phala u bule dibhata uie ku ixi iengi, o kioso ki u katuka, ene oso a ki mona mu muanha uatu; o bhu kididi kié bhu uala, u sondoloka-bhu nʼuii bhengi ku mesuʼâ a kumona; sumba kienhiki a ki tongolola, sumbala ene ala dibhata dia ẋinuka.

Hozeia 11:8

O kiki-phe eie Ifalaíme, ngi kuehelela kiebhi? Ngi ku bhakula kiebhi, eie Izalaiele, tata! Ngi ku bhanga kiebhi kala kia bhiti kua Adama, mba ngi ku kitula kiebhi kala Nzeboíme? Muẋima uami moxi ki u xikina, o henda jami ja bambuka kala túbhia.

Hozeia 6:4

Eie Ifalaíme, tata, Eme ngi ku bhanga kiebhi? Eie, Juda-phe, Eme ngi ku ila kiebhi? Mukonda o henda ienu iedi kala dituta dia kimene, kala dimume dia kimene-mene, di bhita lusolo.

Matesu 17:5

Kioso Phetele kia kexile hanji mú zuela, talesa, dituta di luendela dia a vungina; o mu dituta anga mu tunda dízui, dixi: Muenhú Monʼami uózole, uene mu ngi sangulukisa. Ioso ia zuela, mu ivienunu muene!

Matesu 3:17

Tala, bhenhobho ni dízui di tunda mu diulu, dixi: Muenhú Monʼ ami a kazola, ua ngi uabhela kiambote.

Luka 18:2

uixi: Mu mbanza imoxi mua kexile mufundixi ua kambe uôma ua Nzambi, ka xikina ue kubhana ujitu ku muthu.

Luka 18:4

Kithangana kiavulu muene, ka xikina ku mu ívua. Maji o ku pholo-phe kueza kunu, uamba ni muẋima uê, uixi: Sumbala ki ngala ni uôma ua Nzambi, o muthu ue ki ngi mu xila.

Luka 20:12

Anga u tuma-ku dingi ua katatu. Maji muène ue a mu kuama, anga a mu kaia.

Luka 20:14

Idimakaji-phe kia mu mono, a di longesa mudiâ, exi: Iú muène kiá o monʼa ngana ia díbhia. Muène o mulundudi. Tu mu jibienu, undu-ndu uê ua díbhia u kale uetu.

Luka 9:35

Anga mu dituta mu tunda dízui, dixi: Ió muène Monʼami ua kazola, nga mu sola! Mu ivienu muene kioso kia zuela.

Nzuá 1:34

Eme nga ki mono kiá, kiene ki nga bhela umbangi, kuma muenhú Monʼa Nzambi.

Loma 8:3

Kima kia lémbua o Kitumu kia Mozé mukonda dia kubhuila kuê mu xitu, Nzambi ua ki bhange muène mu kikexilu kia xitu, ituxi ua i êlesa mu kutumikisa Monʼ ê muène, mu kidifua kia xitu ia ituxi, mu kufuila o ituxi, mbé ituxi na tene ku i zubha-ku.

Ngalásia 4:4

Maji kieza o thembu iatenena, Nzambi ua tumikisa Monʼê muene. Muene iú ueza kala mona a mu vuala ku muhatu mu ngongo, a mu vuala iú ua kudila bhoxi dia Kitumu kia Jijudé.