Luka 2:51 - O Mikanda Ikola

⁵¹ Muène anga u kulumuka-nâ, hé aia mu Nazalé, anga u kala mu ku a tumaka. Manhʼâ, anga u lunda o maka mosoʼ ama ku muẋima uê.

Luka 2:51 ပူးပေါင်းရင်းမြစ်များ

Dimatekenu 37:11

Jiphange jê anga a mu kala ni luma; maji o tatʼâ-phe ua bhake maka enhá ku muxima uê.

Jisálamu 119:11

Maka mé nga a kondeka moxi dia muẋima uami, phala eme ngi lémbue ku ta kituxi kokué.

Daniiele 7:28

Bhua suku o kisumaʼabha. Maji eme, ngi Daniiele, ilunji iami ia ngi juualele, katé ni pholo ia ngi kitukile muene; inda ima ioso iii nga i lundu muene ku muẋima uami.

Matesu 12:46

Kiosuʼiki kia kexile kuzuela hanji ni mundu, talesa mamʼâ ni jiphange jê a tula bhu kanga, a mesena kuzuela-nê.

Matesu 3:15

Jezú-phe u mu vutuila, uixi: Ngehele hanji kiosuʼiki; kuma kiene kia tu fuama kubhanga, mu ku kumbidila ioso iaiuka. Bhenhobho Nzuá ua mu ehela.

Marku 1:9

Anga ki bhita mu izuʼomo kuma Jezú u tunda ku Nazalé, ku Ngalileia, anga a mu batizala kuala Nzuá mu ngiji ia Njoloda.

Marku 6:3

Manhi ki muene musongi a mabaiʼu, monʼa Madiia, phange ia Tiiaku ni Zuze ni Juda, ni Ximá? Ni jiphange je ja ahatu, ki etu-nâ mu ʼaxaxe kʼetu? Anga a mu lebhula.

Luka 18:37

Anga a mu ambela kuma Jezú dia Nazalé uala kubhita.

Luka 2:19

Madiia-phe, maka mosuʼama, u ma lunda ku muẋima uê, ni ku ma banza.

Luka 2:39

O kia zubha kubhanga ioso ia tokala mu Kitumu kia Ngana, Zuze ni Madiia a vutuka ku Ngalileia, mu sanzala iâ ia Nazalé.

Luka 4:16

Anga u tula mu Nazalé, mua mu sasela. Kuma kiene o kífua kiê, u bokona kia Sábhalu mu dilombe dia Jijudé, hé uimana mu kutanga mu Divulu dia Ngana.

Luka 4:23

Jezú anga ua ambela, uixi: Kidi kiene, enu mua-ndu ngʼamba o Sabhu iíi: Kimbanda, di sake eie-muène! Muanda kuzuela ue, muexi: Ima ioso i tua ku ivu ni ku i bhanga mu Kafanau, bhanga-iu ue bhabha bhu bhata bhu ua kudila.

Efezo 5:21

Anga muia ni ku di belesela enu-enu mudienu, mu uôma ua Kristu.

I Phetele 2:21

Mukonda enʼuenu Nzambi kiene kia mʼixanena. Mbata Kristu kiene kia tu talela hadi, iú ua tu xila o phangu, phala tu mu kaiele mu makanda.