Luka 2:40 - O Mikanda Ikola

⁴⁰ O mona anga u kala mù kula ni kusuina ni kuvula o kuijiia, anga kiadi kia Nzambi ki kala kuthandu diê.

Luka 2:40 ပူးပေါင်းရင်းမြစ်များ

Jisálamu 22:9

Eie-muène-phe ua ngi katula mu divumu; eie ua ngi dielelesa kioso ki ngala hanji ku mele a mamʼetu.

Jisálamu 45:2

Eie kuuabha kué kuengi, kua anʼa mala mu ngongo ndenge; eie o kusangumuka kua ku tunga kiá ku mizumbu; Nzambi kiene kia ku tunguila ni dibesá di nangenena.

Luka 1:80

Anga o kamona kenda ni kukula, ni kukola mu mukutu ni nzumbi. Anga ka kala mu solongo dia muxitu, katé kizuua kiê kia kutukuluka mu Izalaiele.

Luka 2:47

Oso bhenhobho, ala ku muívua, a mu diuana kiavulu o kuijiia kuê, ni ki ala mù kumbulula adiakime.

Luka 2:52

Jezú anga u kala mù kula mu kitala ni mu kuvula o kuijiia, o mu ima ioso anga enda ni ku mu uabhela kuala Nzambi ni athu.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Jipoxolo 4:33

Jipoxolo anga a bhana ni kutena kuavulu umbangi uâ ua kufukunuka kua Ngana Jezú. Anga kukala kiadi kiavulu kia Nzambi ku thandu dia ene oso.

Efezo 6:10

Ki tualʼ iki-phe, suinenu mua Ngana, ni mu kutena kua nguzu iê.

II Timote 2:1

Eie-phe, u monʼami, kala u kindanda mu kiadi ki tuene na-kiu mu ukamba ni Kristu Jezú.

Afundixi 13:24

Muhatu iú anga u vuala monʼê ua diiala, u mu luka dijina dia Sansau; mona anga u kula, Jihova u mu bhana kuzediua.

I Samuuele 2:18

Samuuele anga u kala mu xibhidila bhu pholo ia Jihova, hanji monandenge muene, ua zuata efodi ia linhu.

I Samuuele 2:21

Jihova anga u bhana dibesá kua Hana, muene u imita, anga u vuala anʼatatu a mala, ni anʼaiadi a ahatu. Kamona Samuuele anga u kala mu kudila bhu pholo ia Jihova.

I Samuuele 2:26

Mona Samuuele anga uia ni kukula, ni kuuabhela Jihova, ni kuuabhela ue athu.

I Samuuele 3:19

Samuuele anga uia ni ku kula, Jihova anga u kala-nê, kehela maka-mê moso-moso kuláuka bhoxi.