Luka 2:4 - O Mikanda Ikola

⁴ Zuze anga u tunda mu Ngalileia, mu sanzala ia Nazalé, anga u banda mu Judeia, mu sanzala ia Davidi, a ixana Beleme, mukonda kuene ku bhata diâ.

Luka 2:4 ပူးပေါင်းရင်းမြစ်များ

Dimatekenu 35:19

Lakele anga u fua, hé a mu fundila mu njila ia Efalata (bhene bhu Beleme).

Dimatekenu 48:7

Kuma eme-phe mu kutunda ku Padalane, Lakele ua ngi fuila bhu maku, mu njila, mʼoxi ia Kanana, kua tu kambele ngó kadikanga mu ku bhiẋila bhu Efalata; eme nga mu fundila koko mu njila ia Efalata, a muila Beleme.

Mikeia 5:2

Eie Beleme dia Efrata, sumbala uala u kambonga muʼaxaxi ka jimidi ja Juda, maji mo-mué muene mua kà tunda u ngi kalela Ngana mu Izalaiele, uavu o matundilu mê ma kalelà-ku tunde mu xahulu, mu izuua ia kalelàku.

Matesu 1:20

Kia kexile hanji mu kubanza imʼiíi-phe, mukunji ua Ngana ua mu tukulukila ku nzoji, uixi: Zuze, monʼa Davidi, kukale ni uôma ua kutambula mukajiʼê Madiia. Mbata o mona a mu imita moxi diê, mona ua Nzumbi Ikôla.

Matesu 2:23

Hé uiza, u tunga mu sanzala a ʼixana Nazalé phala ki bhite kia tangele polofeta, kuila a ka mu ixana kuma mukua Nazalé.

Luka 2:3

Ene oso anga aia mu ku di sonekesa, kala muthu mu sanzala ia muiji uê.

Luka 2:5

Mbata muène mukua muiji ua Davidi. Uaii mu ku di sonekesa kumoxi ni Madiia dia kílemba kiê. O muène uala kiá mu mikutu iiadi.

Luka 4:16

Anga u tula mu Nazalé, mua mu sasela. Kuma kiene o kífua kiê, u bokona kia Sábhalu mu dilombe dia Jijudé, hé uimana mu kutanga mu Divulu dia Ngana.

Nzuá 1:46

Kuala Natanaiele: Ku Nazalé, ku tena ue kutunda kima kiambote? Felipe ua mu vutuila, uixi: Zá, u tale.

Nzuá 7:42

Mu Madivulu ma Kôla ki mualu kuamba kuma Kristu u tunda ku muiji ua Davidi, ni bhu sanzala ia Beleme, bhua tungile Davidi?

Lute 1:19

Kienhiki anga ela kumoxi kiiadi kiâ, katé kia bhixila mu Beleme. Anga ki bhita kuila, kia zubha-phe kutula mu Beleme, dibhata dioso di salumuka mukonda diâ, ahatu anga a di ambela mudiâ, exi: Manhi ki muenʼiú Nouemi?

Lute 2:4

Bhenhobho-phe Bouaji u tunda mu Beleme, anga uiza ku menekena o jingunza jala kumuna, uixi: Ngana a mi kuatekese. Ene ue a mu kumbulula, exi: Eie ue Ngana a ku bhane dibesá.

Lute 4:11

Mundu uoso a xikama bhu muelu ua kimbaka, ni adiakimi, bhenhobho exi: Tu jimbangi muene. O Jihova a bhangese kuila muhatu iú ueza mʼonzo ié a soke ni Lakele ni Liia, a tenene kiiadi kiâ kubhanga o dibhata dia muiji ua Izalaiele. Eie muene ue Bouaji, kala u dikuenze, o Nzambi a ku bhane kuzediua mu Efrata, ni kujinga o dijina mu Beleme.

Lute 4:17

Ahatu nʼakuá akua-bhata a di zukama-nê, mu kutana kumoxi ni muene anga a kuata ku mu ila, exi: Nouemi a mu vualela monʼê, anga a mu luka Obede. Muene tata ia Jese, tatʼâ Davidi.

I Samuuele 16:1

Jihova anga u ambela Samuuele uixi: Ua-nda kusuka bhebhi ni kudila Saúlo, se ki tualʼiki eme nga mu ditunu ku ungana ua Izalaiele? Izalesa lumbinga lué ni maji, uize. Eme nganda ku ku tuma kua Jese, mukua Beleme; mukonda nga solo sobha iami muʼaxaxi ka anʼê.

I Samuuele 16:4

Samuuele anga u bhanga kioso kia mu ambela Jihova, u iza bhu Beleme. Adiakimi a bhata anga eza kutakana-nê ni kuteketa, exi: Ki uezʼiki ueza ni paze?

I Samuuele 17:12

Davidi-phe monʼa mukua Efalata mu Beleme ku Juda, dijina diê Jese; muenʼiu anga u kala ni nake dia ana a mala; muadiakimi kiá mu izuua ia Saúlo, ua kuka kiá muene muʼaxaxi ka athu.

I Samuuele 17:58

Saúlo anga u mu ibhula, uixi: Eie munzangala ua kime, u monʼa nanhi? Davidi uixi: Eme ngi monʼa mubhikʼé Jese, mukua Beleme.

I Samuuele 20:6

Tatʼenu ki ebhula kioso kia ngi kambesa-bhu, eie ua kèla uixi: Davidi ua ngi bhingi disesa dia kuia ni lusolo ku Beleme, ku bhata diâ; kuma kuala sata ia muiji uâ, ene mu i sata ku mivu ioso.