Luka 2:37 - O Mikanda Ikola

³⁷ Hanji-phe kia xala mutudi, ua kuata kiá makuinhi-nake a muvu ni iuana. Muène, mu Tembulu kene kutunda-mu dingi, u kala-phe mu kalakela Nzambi ni mu usuku ni mu muanha, ni kujejuuala ni kusamba.

Luka 2:37 ပူးပေါင်းရင်းမြစ်များ

Jisálamu 22:2

Nzambi iami, tata, ngala kuila ngi dikola mu muanha, eie-phe kua ngi suu; ni mu usuku ngi dikola, ki ngene kudixibha, maji eie ku ngʼivu.

Jisálamu 23:6

Kidi muene, o mbote ni henda i kala mu ku ngi kaiela, izuua ioso ia muenhu uami; ngà kala ni kukondama mʼonzo ia Jihova, mu izuua ni izuua sé dizubhilu.

Jisálamu 27:4

Kima kimoxi ki nga bhingi kua Ngana, kiene ki ngi bhindamena jinga: o kutunga mʼonzo ia Jihova izuua ioso ia muenhu uami, mbé kutala o kuuabha kua Ngana, ni kudilonga jinga maka mu Tembulu iê.

Jisálamu 84:10

Kuma kizuua kimoxi ku lumbu lué, kota, o midi ku bhata diengi, ndenge! Ngʼinda ngi kala ngi muthu ua kuimana ngó bhu muelu uaʼnzo ia Nzambi iami, ki ngʼindi kutunga ku mabhata ma akua phulu.

Jisálamu 84:4

A lungu-â oso a tungu mʼonzo ié; a kala jinga mu ku ximana sé kuzumbuka. (Selah.)

Jisálamu 92:13

Oso a a phaphe mʼonzo ia Jihova, a jîngila muene ku malumbu ma Nzambi ietu.

Makatukilu 38:8

Anga u iudika ni mbasinha ia kusukuila, ia ngôndo, ni mbunda iê i tula bhoxi ia ngôndo, ua i iudika ni malumuenu ma bhana ahatu akua kusedivila bhu muelu ua balaka ia kutakanena.

Luka 5:33

Ene anga a mu ambela, exi: Jixibulu ja Nzuá ene mú fula kúdia ni kúnua, nʼa nange mu kusamba; jixibulu ja jifalizeu ue kiene; eie-phe jixibulu jé ki ji fula dingi kúdia ni kúnua.

Jipoxolo 13:3

Kieniokio, kia zubha kujila ni kusamba, a tula maku ku thandu dia Barnabé ni Saúlu, anga a a sulula.

Jipoxolo 14:23

O kia zubha kunomiiala adiakime a kala ku pholo mu Ngeleja joso, ni kusamba, ni kujila, a a xalesa ni Ngana, uoso a mu xikana.

Jipoxolo 26:7

O kuinhi dietu dia muiji ni kiiadi, kia jijila o kusedivila Nzambi usuku ni muanha, kiene o kizuelu kia dielela ku ki mona. O kudielela kuenioko-phe, eie ngana u sobha, kuene kua bhekela o Jijudé ku ngi tatela!

I Timote 5:5

Muhatu uoso-phe uala mutudi mu kidi, ka moneka thumba ni samba u mu tambula konda, ió o kudielela kuê kua kuata ngó kua Nzambi, kuma u jijila kusamba usuku ni muanha mu kubhinga dikuatekesu kua muène.

Dijingunuinu 3:12

Uoso u tolola, Eme ngi mu bhanga ngùnji i kuatesa o Tembulu ia Nzambi iami, o muene ka kà tunda-mu dingi. Ngi mu soneka o dijina dia Nzambi iami, ni dijina dia mbanza ia Nzambi iami, o Jeluzaleme ia ubhe, i tuluka ku diulu kua Nzambi iami. Ngi mu soneka ue ni dijina diami eme-muène dia ubhe.

Dijingunuinu 7:15

Kiene ki emanena bhu pholo ia kiandu kia Nzambi, ene a mu sedivila muanha ni usuku mu Tembulu iê. O ió ua xikama bhu kiandu, u a kondeka ni kivule kiê.

I Samuuele 2:2

Ua kambe ituxi kala Jihova ka moneka, kuma eie u Nzambi ku moneka mukuenu a ku fika-nê; kana-ku ndánji iengi i soka ni Nzambi ietu.