Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.
Muejiia ue o maka ma Jezú dia Nazalé, kioso Nzambi kia mu undu ni Nzumbi Ikôla, iú ua mu bhana ni kutena. Muène anga u nhunga ku mbandu joso ni kubhanga o mbote, ni kusaka oso a a tatesa kuala Diabhu, kuma Nzambi uala-nê.
hé u a jingunuina o Madivulu ma Nzambi ni kuidikisa ni kulombolola kuma kia fuamene Krsitu ku bhita ku jiphaxi ni kufukunuka ku ʼalunga. Uixi-phe: Jezú muenʼ iú nga mi tangela-nê, muène Kristu.
Uila kiki, dibhata dioso dia Izalaiele di tume ku kʼ ijiia mu kidi, kuma Jezú imoxi iíi, mua mu tele ku dikulusu, Nzambi ua mu bhanga muène Ngana, muène Kristu.
O mu kuxikana, Enoko a mu ambata sé kumona kalunga. Anga ubhua athu ku mesu kuma Nzambi ua mu ambata sé muthu dingi ku mu mona, mukonda Nzambi muène ua mu ambata. O Mikanda Ikôla i ambe kuma kioso kiluua a mu ambata, muène ua kexi mukua kuxila kiambote Nzambi.