Luka 2:21 - O Mikanda Ikola

²¹ O kia tena nake dia izuua, mbata kiene kithangana kia tokala kusaia o kamona, a mu luka dijina dia Jezú, kuma diene o dijina dia bhele mukunji kioso kiluua ngó a mu imita.

Luka 2:21 ပူးပေါင်းရင်းမြစ်များ

Dimatekenu 17:12

Mona uoso uala mu nake dia izuua mudienu, muthu ua ku mu saia kabasa diiala, katé bhua kà suka o miji ienu; o mubhika a mu vualela monzo, mba a mu sumbu mu kitadi ku akuaʼxi iengi, mua kà mu saia, né-mbe ka tokala ku mbutu ié.

Ijila 12:3

O mu kizuua kia kanake a saiesa kamona, a ka batule o kinhunga kiê.

Matesu 1:21

Muène uanda kuvuala mona ua diiala, eie u mu luka dijina dia Jezú, mbata muène ua kà bhulula athuʼê ku ituxi iâ.

Matesu 1:25

Muène-phe ka mu ijididiê luua, katé kia zubhile kuvuala mona. Anga u mu luka o dijina dia Jezú.

Matesu 3:15

Jezú-phe u mu vutuila, uixi: Ngehele hanji kiosuʼiki; kuma kiene kia tu fuama kubhanga, mu ku kumbidila ioso iaiuka. Bhenhobho Nzuá ua mu ehela.

Luka 1:31

Talesa, ua-ndu kuimita mu vumu dié, hinu u vuala monʼa diiala, u mu luka dijina dia Jezú.

Luka 1:59

Kizuua kia kanake anga eza kusaia o kamona. Anga a mesena ku mu ixana dijina dia tatʼâ Zakadiia.

Filipe 2:8

o kia zubha kutukuluka mu kidifua kia muthu, muène ua di tununa, anga u tumaka katé mu kufua—kufua-phe kiá kua sebuluka kua dikulusu.