Luka 2:11 - O Mikanda Ikola

¹¹ Mbata lelu, mu sanzala ia Davidi, a mi vualela-mu Kibhamuenhu, muène Kristu, muène Ngana.

Luka 2:11 ပူးပေါင်းရင်းမြစ်များ

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

Jisálamu 2:2

Jisobha mu ngongo ja di bhongolola, makota ma di longesa jindunge, phala ku kitukila Jihova, ni muthu uê ua mu undu ni maji.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Matesu 1:16

Jakobo u vuala Zuze munumeʼa Madiia u vuala Jezú, a mu ixana Kristu.

Matesu 1:21

Muène uanda kuvuala mona ua diiala, eie u mu luka dijina dia Jezú, mbata muène ua kà bhulula athuʼê ku ituxi iâ.

Matesu 16:16

Kuala Ximá Phetele: Eie u Kristu, Monʼa Nzambi ia muenhu.

Matesu 16:20

Behnhobho Jezú anga u tendelela jixibulu kuila ki ji tangele muthu kuamba Jezú muene Kristu.

Luka 1:43

Eme kia ngi tundila kuebhi, kuila mamʼa Ngana iami uiza ku ngi zungila?

Luka 1:69

ua tu zangelekela Mubhuludi ua nguzu phala ku tu bhulula u tundu mu mbutu ia mubhikʼê Davidi—

Luka 2:26

Muène-phe a mu ijidisa-kiu kuala Nzumbi Ikôla, kuma ka-nda kúfua katé kia mona Mesiia, Kristu ia Ngana.

Luka 2:4

Zuze anga u tunda mu Ngalileia, mu sanzala ia Nazalé, anga u banda mu Judeia, mu sanzala ia Davidi, a ixana Beleme, mukonda kuene ku bhata diâ.

Nzuá 1:41

Muène anga u sota hanji phangʼiê Ximá, u mu ambela, uixi: Etu tua sange Mesiia, (Mu ku di lombolola, uedi tua sange Kristu).

Nzuá 1:45

Felipe anga u sota Natanaiele, u mu ambela, uixi: Etu tua sange muthu ió a mu soneka kua Mozé mu divulu dia Kitumu, iá a mu tange ue mu Mikanda ia jipolofeta. Muène Jezú, mukua Nazalé, monʼ a Zuze.

Nzuá 11:27

Kuala Marta: Kiene, Ngana! Eme nga ku xikana kuma eie u Kristu, Monʼa Nzambi, a mu kingile kuiza mu ngongo.

Nzuá 20:31

Maji imʼiíi-phe iòsoneke, phala enu ni mu xikane, kuma Jezú muène Kristu, Monʼ a Nzambi. Mbé o ki mu mu xikana, mu kale ni muenhu ki uábhua.

Nzuá 4:25

Muhatu ua mu ambela, uixi: Ngejiia kuma Mexiia ió a mu ixana Kristu, ua-ndu kuiza; hinu se ueza, Mùene u tu jimbuila ima ioso.

Nzuá 4:42

Anga ambela o muhatu, exi: Etu ki tu xikana dingi mukonda ngó dia kizuelu kié. Mbata etuʼene muene tua mu ivu kuzuela kiá. Tua mu ijiia ni kidi kiene, kuma iú muene Mubhuludi a mundu.

Nzuá 6:69

Etu tua xikana, tua kʼijiia kuma eie u Muthu Ukôla ua tundu kua Nzambi.

Nzuá 7:41

Amukuá exi: Muene Kristu! Kuala iá, exi: Kífua Kristu u tunda mu Ngalileia?

Jipoxolo 10:36

Enu muejiia kuma muene ua tumikisa maka ku ana a Izalaiele, o Njimbu Iambote ia paze ia kolele Jezú Kristu, muène Ngana ia mundu uoso.

Jipoxolo 13:23

Ku mbutu ia Davidi, Nzambi uila kia bhele kizuelu, ua bheka-ku o Kibhamuenhu kia Izalaiele, muène Jezú.

Jipoxolo 17:3

hé u a jingunuina o Madivulu ma Nzambi ni kuidikisa ni kulombolola kuma kia fuamene Krsitu ku bhita ku jiphaxi ni kufukunuka ku ʼalunga. Uixi-phe: Jezú muenʼ iú nga mi tangela-nê, muène Kristu.

Jipoxolo 2:36

Uila kiki, dibhata dioso dia Izalaiele di tume ku kʼ ijiia mu kidi, kuma Jezú imoxi iíi, mua mu tele ku dikulusu, Nzambi ua mu bhanga muène Ngana, muène Kristu.

Jipoxolo 5:31

Maji o muenʼiú Nzambi ua mu zangeleka, iú ua mu tula ku lúkuaku luê lua dilu, mu kukala Musonguedi ni Mubhuludi. Muène ua ki bhange phala kubhana Izalaiele o kithangana kia kudiela, ni kutambula o muloloko ua ituxi iê.

I Kolindo 15:47

O Adá ia diangele-ku, a mu bhangele ni mavu ma bhoxi, o Adá ia kaiela-ku ua tundile mu diulu.

Filipe 2:11

Ki bhu xala dimi di kamba kufisala kuma Jezú Kristu muene Ngana, mu kubhana o fuma kua Nzambi, Tata.

Filipe 3:8

Kidi kiene, ima iosololo ngi i kita kingoho mu ujitu ua kuijiia Kristu Jezú, Ngana iami. O mukonda dia muène, ima i nga kuatele, nga i texi dikanga, ioso ia di boto. Ememuene-phe nga i kiti dixilu, phala ngi nganhale Kristu, nda ngi kondamene kua Muène.

Kolose 2:6

Uila kiki, kioso ki mua tambulula Ngana, Kristu Jezú, kiene ki muenda mua muène.

I Nzuá 4:14

Etu tua ki mono, tua ki kundila ue akuetu kuila, Nzambi ua tumikisa Monʼê mu kukala Kibhamuenhu kia mundu.

I Nzuá 5:1

Uoso u xikana kuma Jezú muène Kristu ió muthu a mu vuala kua Nzambi. Uoso-phe u zola o tata ua vuala, u zola ue ni mona a mu vuala kuala o tata ienhoio.