Luka 19:9 - O Mikanda Ikola

⁹ Jezú anga u mu ambela, uixi: Lelu o kubhuluka kueza ku dibhata didi; kuma iú ue monʼ a ngene a Mbalahamu.

Luka 19:9 ပူးပေါင်းရင်းမြစ်များ

Luka 13:16

O muhatu iú-phe, monʼ angene a Mbalahamu, a mu kuika kuala Satana mu kuinhi dia muvu diosuʼidi ni nake, kifua ki kia fuama ku mu jituna bhu mikolo ue, kizuua kia Sábhalu?

Luka 13:30

Talenu-phe, sai-ku kiki iá a sukinina, hádia a kà dianga; sai-ku kiki iá a dianga, hadia a kà sukinina.

Luka 16:24

Anga u di kola uixi: Tata Mbalahamu! Ngi kuatele henda! Tuma Lázalu a bondeke mútue ua mulembu uê mu menha, eze a ngi talalese bhu dimi, mukonda nga xixima kiavulu mu mulengʼumu!

Luka 16:30

Muène, uixi: Kana, tata Mbalahamu! Kiókio ki ki soko! Maji se ku athu à-fua, ku vutuka muthu, a xikina kudiela.

Luka 2:30

Kuma mesu mami ma mono kiá o ubhulukilu ué,

Luka 3:8

Imenu-phe ibundu ia fuama i tunda mu kudiela. Ki mu kale mu kuila ku miẋima ienu, muexi: Etu tuala ni tatʼetu Mbalahamu. Mbata Eme ngi mi ambela kuma, Nzambi u tena kutundisa mu matadiʼama anʼa Mbalahamu!

Loma 4:16

Mukonda dia kiki, kueza o kuxikana, o kikutu kia polomesa ia Nzambi ni ki naminina ku kuxikana phala ni ki kuate, ni ki kale kia kiadi ku luvualu lua Mbalahamu, Kuma o polomesa ki i tokala ngó a mu kualuka o Kitumu, maji ni ió ue oso a xikana mukuâ ni kia xikanene Mbalahamu. Mukonda mu Nzumbi muene tata ia etu-ene oso.

Ngalásia 3:14

Kiki kia bhiti, phala o dibesá dia tanga Nzambi kubhana Mbalahamu, dʼize ue ku thandu dia akua matumbu mua Kristu Jezú. Mbé etu ene oso o polomesa ia Nzumbi tu i tambuile mu kuxikana.

Ngalásia 3:29

O ki kala enu oso mua tokala Kristu, muala mu mbutu ia Mbalahamu; mu ibinganu ia polomesa ia bhele Nzambi kua Mbalahamu.

Ngalásia 3:7

Kala kiki, ijiienu-kiu kuma, oso akua kuxikana, ene anʼ a Mbalahamu.

I Phetele 2:10

Mʼokulu ki mua kexile mu mundu ua Nzambi, kiki-phe muala mu mundu uê. Mʼokulu o henda ia Nzambi ki mua ijidile luua, kiki-phe mua tambula o henda iê.