Luka 19:5 - O Mikanda Ikola

⁵ Jezú-phe kia tula bhenhabha, u zambula mesu bhulu, uixi: Zakeu, lenguluka, u tuluke; mukonda nga mesena lelu kukala ku bhata dié.

Luka 19:5 ပူးပေါင်းရင်းမြစ်များ

Ndongixi 9:10

Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.

Izekiiele 16:6

Eme-phe, mu kubhita bhu mbandu ié, nga ku mono ua dimbujuka mù sangi ié, emiʼeme nga kuambela, ngixi: Sumbale hanji uala mu sangi ié, maji u laia muene; xi, nga kuambela, ngixi: Né-mbe hanji ua dimbujuka mu sangi ié, maji u laia muene.

Luka 19:10

Mukonda Monʼ a Muthu ueza mu kusota ni kubhulula kioso kia jimbidila.

Luka 19:2

Muenhomo hé mu kala diiala, mukua-itadi, dijina diê Zakeu. Muène dikota dia akua kutambula lubhaku.

Luka 19:4

Anga u lengela ku pholo, hé u sambela mu mulemba, phala ku mu mona, kuma Jezú bhene bha-nda kubhita.

Luka 19:6

Muène anga u lenguluka, u tuluka, anga u mu tambulula mʼonzo iê kiambote muene ni kusanguluka.

Nzuá 1:48

Natanaiele ua mu ambela, uixi: Eie Ngana, ua ngʼ ijidila kuebhi? Kuala Jezú: Eme nga dianga ku ku mona, kioso Felipe ka ku ixana luua, ki ua xikamene moxi a mufiku.

Nzuá 14:23

Jezú u mu vutuila, uixi: Muthu se ua ngi zola, kikale u aiuka o maka mami; o Tata iami-phe u mu zola. Mu kiki, ni eme ni Tata iami, tuiza kua muene, hé tu tunga-nê.

II Kolindo 6:1

Uila kiki, ki tuedi tu akuenu mu kikalakalu kia Nzambi, tua mi bhingi kiki: O kiadi kia Nzambi, ki mua tambula kiá, ki mu ki ehele dingi ku di bota.

Efezo 3:17

Eme nga mu bhinga dingi phala Kristu a mi tunge ku miẋima ienu mu kuxikana. Nga mu samba phala o ki muila mua te jindanji, mua kuata, mua xikama mu henda,

Jihebeleu 13:2

Kana kufula kutambulula asonhi mu mabhata menu. Kuma amoxi mu ku ki bhanga, a langeka ji-anju sé ku kʼijiia.

Dijingunuinu 3:20

Talesa! Ngemana bhu muelu ni kuṗhuṗha. Se muthu u ívua dízui diami, nʼa ngi jikuila dibhitu, ngi bokona mʼonzo iê hé ngi seiala-nê, ni muène ni eme.