Luka 19:38 - O Mikanda Ikola

³⁸ A taneku, muenexi ueza mu dijina dia Ngana! Uembu ku diulu, fuma mu madimbinza mònene kua Nzambi!

Luka 19:38 ပူးပေါင်းရင်းမြစ်များ

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Matesu 2:2

A mu vuala, Sobha ia Jijudé, iu kuebhi? Mukonda théthembua iê tua i mono ku Thunda, etu tueza ku mu sambela.

Matesu 21:9

O mundu iú ua tuamenena, ni iú ua mu kaiela, anga a dikola, exi: Hozana Monʼa Davidi! A tane-ku ueza mu dijina dia Ngana! Hozana ku Diulu!

Matesu 25:34

Muenexi anga uà kʼambela iá ala ku dilu diê, uixi: Zenu a mi zediuisa kuala Tata iami! Zenu mu lundule o Ungana, a mi iudikila na-u kuala Tata iami tunde ku dimatekenu dia ʼxi.

Matesu 25:40

Muenexi ua kà kumbulula, uixi: Kidi kiene ngi mi ambela kuila: Kioso ki mua bhange jiphange jamiʼji ja ndenge, eme-muène mua ngi bhange-kiu.

Luka 13:35

Talenu, dibhata dienu hinu dia-ndu xala ngúundu. Nga mi ambela, kuma eme ki mu ngi mono dingi, katé ki muà kela: A tane-ku, uoso uiza mu dijina dia Ngana!

Loma 5:1

Kia tu xikina Nzambʼ iki mu kuxikana, tuala ku paze ni muène mukonda dia Ngana ietu, Jezú Kristu.

Efezo 1:12

Kala kiki, etu tua dianga o ku ta kudielela kuetu mua Kristu, tu ximanienu Nzambi mukonda dia unéne uê!

Efezo 1:6

Uila kiki, tu ximanienu Nzambi, mukonda dia kiadi kiê kioso kia tu idikisa, mu ujitu ua tu bhana mu ngoho kua Monʼ ê ua kazola.

Efezo 3:10

Phala o kiki, atumini ni a-kutende ku ididi ia diulu a ki muena ku Ngeleja, kioso ki enda o unjimu ua Nzambi ua vula matelu.

Efezo 3:21

Nzambi muène a tambule fuma ni ku Ngeleja, ni mua Kristu Jezú, ku miji ioso katé ku hádia ni hádia! Amén.

Kolose 1:20

Uila kiki, Nzambi ua solele ue kua Mona kuluuluila-ku o ima ioso ni muène Nzambi, kia zubha kubhanga paze ni manhinga ma kufua kua Monʼê ku dikulusu diê; iene ioso kindala i luulukila kua muène o Mona, kixi ima mu ngongo, kixi ima ku diulu.

I Timote 1:17

Mu kienhiki, o muenexi ió, kene kúfua, kene kumoneka ku mesu, o Nzambi imoxi ngó—a tambule ujitu ni fuma mu mivu ni mivu sè dizubhilu! Amén.

I Phetele 1:12

Kioso o Jipolofeta ki ja zuela jinga ku mbandu ia kidi ki mua mu kuivua lelu, Ngana Nzambi ua a jingunuine kuila o kikalakalu kia kexi mù bhanga o misesedi ki phala mbote iâ ene, maji phala mbote ineuʼenu. O akunji a Jingolokela Jambote, a zuela jinga mu kutena kua Nzumbi Ikôla ió a mu katula ku diulu, ene a mi tangela o kidi kia ima ienʼiii. O ima ienʼiii ni ji-anju jʼendile ku i tongolola kiambote.