Luka 19:29 - O Mikanda Ikola

²⁹ Kia bhixila bhua zukama ni bhu Betefaji, ni bhu Betanha, ku mulundu a uixana kuma ua Midiva, u katula jixibulu jê jiiadi, uixi:

Luka 19:29 ပူးပေါင်းရင်းမြစ်များ

Zakadiia 14:4

Mu kizuuʼokio-phe, inama iê ia kà tula ku mulundu ua Midiva, ua lulama ni Jeluzaleme ku mbandu ia Mutundila-Kumbi; o mulundu ua Midiva a kà u jikula muʼaxaxe, mbandu iii kuthunda, o mbandu ia mukuá ku luiji; kienhókio bhua kà kala dikôlo dia dikota kinéne bhuʼaxaxe; anga mbandu ia muvimba ia mulundu ia kà uanunukina ku Suku o ia mukuá ku Sulu.

Matesu 21:17

Muène anga ua-xa bhobho, u tunda mu mbonge, uia ku Betaniia, anga u zekela koko.

Luka 19:30

Ndenu mu sanzala iná ku pholo. O ki mu bokona muenhomo, mua kà sanga kajumendu kôkuike, kiluua ka tulama muthu. Ka kà jitunienu, mu ngi bhekele na-ku.

Luka 19:37

Kuila a zukama kiá mu Jeluzaleme, mu kukulumuka o Mulundu ua Midiva, kifuẋi kioso kia jixibulu ni mundu uavulu uala ku mu kaiela, ki kuata kusanguluka ni kuximana Nzambi ni mázui ma suina, mukonda dia ikalakalu iònene ia mono, exi:

Luka 21:37

Mu muanha Jezú u kala mù longa mu Tembulu izuua ioso. Maji o mu usuku uia ku kanga, hé u kala ku mulundu a uixana ua Midiva, katé ki kukia.

Luka 22:39

Jezú anga u tunda, uia ku mulundu ua Midiva, kala kiene kubhanga. O jixibulu ue ja mu kaiela.

Luka 24:50

Jezú anga u tunda-nâ ku kanga, hé aia katé bhua lulama bhu Betanha. Bhenhobho anga u zangula maku mê, ua a benzela.

Jipoxolo 1:12

Jipoxolo kienhókio anga a vutuka ku Mulundu a uixana ua Midiva, eza mu Jeluzaleme. O dikanga diê diala-bhu diene dia njila ia Sabhalu, (kifua kilómetulu imoxi iene).