Luka 19:28 - O Mikanda Ikola

²⁸ Kia zubha kuzuela kiki, Jezú u tuamenena dingi mu kuia ku Jeluzaleme.

Luka 19:28 ပူးပေါင်းရင်းမြစ်များ

Luka 10:30

Jezú anga u vutula, uixi: Sai muthu ua tundile mu Jeluzaleme, hé u kala mù kulumuka ku Jedikó. Anga u tukulukila mu ʼaxaxe ka imbokoto, a mu zula, a mu beta, o mu kuia a mu xa ua kumbama.

Luka 12:50

Sai-phe batizu ia bhingi ku ngi batizala na-iu; muẋima ua ngi suku, katé ki ngi ki kumbidila.

Luka 18:31

Jezú anga u bhongoluela o kuinhi dia xibulu ni kiiadi bhu mbandu iê, ua ambela, uixi: Mua mono, tuala kuia mu Jeluzaleme, ima ioso-phe iòsoneke mu jipolofeta, ia tokala Monʼ a Muthu, ianda ku mu bhita koko.

Luka 9:51

Anga ki bhita kuila, kizuua ki kia zukama, kia Jezú ku mu katula mu ngongo, ni kubanda kiá ku diulu, Jezú u dia nguidi ia kuia ku Jeluzaleme.

Nzuá 18:11

Jezú anga uambela Phetele, uixi: Fomeka o xibhata ié mu kizu! Eie ua fika kuila dikáu dia ngi bhana Tata, manhi ngi kamba ku di nua?

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.

I Phetele 4:1

Ki tualʼiki-phe kuma Kristu mu xitu ua tale hadi, enu uenu kuatenu kilunji kimoxi ni kia muène, mu kutala hadi uila kia i tale muène. Kuma ió uoso ua tale hadi mu xitu, ua zumbuka kiá ku ituxi.