Luka 19:14 - O Mikanda Ikola

¹⁴ Maji o akua ʼxi iê-phe a mu zembe, anga a tumikisa jiphunga ku dima diê mu kuamba: Etu muthu iú nguetu-nê kukala sobha mu ku tu tumina etu.

Luka 19:14 ပူးပေါင်းရင်းမြစ်များ

II Samuuele 23:7

Muthu u i bhixila, ki bhinga u i kuata ni felu, mba u kala ni muẋi ualebha kala mubhinhi ua sosa; hinu-phe i bhita, i buila mu túbhia, a i ohela bhu kididi kia tokala.

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Zakadiia 11:8

Anga ngi jimisa o abidi ene oso kitatu mu mbeji imoxi, kuma o muenhu uami ua bhondalala mukonda dia ene, o ene uâ eme a ngi kumine kiá ku mienhu iâ.

Luka 14:32

Kia mona ka tena, kioso mukuá ki ala hanji dikanga, u katula jiphunga, hé u tuma kuibhula kioso kia mu xindi ni a kale ku paze.

Luka 19:13

Anga uixana o kuinhi dia abhika a mu tokala, u a bhana kuinhi dia saku ia kitadi, uixi: Endenu ni kufuna ni kitadʼiki katé ki ngiza.

Luka 19:15

Muène-phe kia zubha kuiza, kuila o usobha ua u tambula kiá, u tuma kuixana abhika ió ua a bhele o kitadi, phala kuijiia se ate na-kiu uenji uahi.

Luka 19:27

Jinguma jamiʼ ojo-phe, kʼ andalele eme ni ngʼ a tumine, ngi bhekedienu-nâ bhabha, mu a jibhile bhu pholo iami!

Nzuá 1:11

Uejile ku athuʼê a mu tokala, athuʼê-phe ka mu tambulula.

Nzuá 15:18

Jezú anga ua tangela dingi uixi: O mundu se ua mi zembe, ijiienu-kiu kuma ua diangele ku ngi zemba eme.

I Samuuele 8:7

Jihova anga u ambela Samuuele, uixi: A evue; dízui dia mundu ku di tènde, mu ioso ia ku ambela; kuma ki eie a ku ditunu, a ngi ditunu Eme, mbé ki ngi kale dingi ngi sobha iâ.