Luka 19:12 - O Mikanda Ikola

¹² Jezú uixi: Sai muadiakime, monʼ a ngana, ukala mu kuia oxi ia dikanga mu kutambula usobha, phala kuiza dingi.

Luka 19:12 ပူးပေါင်းရင်းမြစ်များ

Matesu 21:38

Idimakaji-phe kia mono o mona, a di ambela mudiâ, exi: lú muène kabhinganu! Ndoko, tu mu jibhienu, o undundu uê nda tu mu buê-u!

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Marku 12:1

Anga Jezú u kuata ku a tela ifika, uixi: Kukala muthu u dimisa mulenga ue ua mivide, u u xita kikonzo, u kanda ditangi dia ku kamena vinhu, he u tunga kithungu kia di leka phala dikengelelu dia ku talesa ioso mu dibhia, anga u u lukalesa ku jingunza, muene uia kuengi mu uenji.

Marku 16:19

Kiki Ngana Jezú kia zubha kuzuela-nâ, a mu tambula ku diulu, iú ua xikama ku madilu ma Nzambi.

Luka 20:9

Anga Jezú u kala mù tela o mundu kifika kiki, uixi: Sai muthu ua dimine dibhia dia ji-uva, anga u di bhana ku idimakaji enda ni ku mu bhakuila; muène anga uia oxi iengi mù bhanga kithangana kiavulu.

Luka 24:51

Kiene-phe ki ala mu ku a benzelʼ iki, u songoloka bhu mbandu iâ, anga a mu zangula katé ku diulu.

Nzuá 18:37

Pilatu ua mu ambela, uixi: U sobha-phe! Inga kiebhi? Jezú ua vutula, uixi: Kiene! Eie-muène ua mu ki tanga, kuila ngi sobha. Eme o kuzuela o kidi, kiene kia ngi vualela, kiene ue ki ngʼejiia mu ngongo. Uoso ua xikana o kidi, uívua dízui diami.

Jipoxolo 17:31

Mukonda ua xindi kiá kizuua kia kufundisa mundu uoso mu kidi, kua muthu uê ua mu tungula. Nzambi-iú ua tumu ku kʼ ijidisa kua ene oso mu ku mu fukununa ku ʼalunga.

I Kolindo 15:25

Kuma Kristu muene ua bhingi u kalaku ku ungana, katé Nzambi kia tolola o jinguma jê joso, hé ua kà ji ta bhoxi dia inama ia Kristu muene.

Jihebeleu 9:28

Kiene ue, Kristu kia di lumba lumoxʼ iki kala sata, mu kukatula o ituxi ia mundu. Hádia ua kà tukuluka lua kaiadi, kana dingi mu kufuila ituxi, maji phala kubhulula ió oso ala ku mu kinga muène.

I Phetele 3:22

ió uaii ku diulu, iú uala ku madilu ma Nzambi. O kuenhoko ni ji-anju, ni makota ma ji-anju, ni mazonda ma mu belesela muène.

Dijingunuinu 1:7

Talesenu, muène hinu uiza ku matuta! Ene oso a ka mu mona mesu, katé ni ió oso a mu kubuile. Miji ioso mu ngongo ia kà dila jingololo mukonda diê. Kiene muene. Amén!