Luka 18:9 - O Mikanda Ikola

⁹ Jezú anga u ta dingi o kifikʼiki, kiatokala amoxi a di fiiala o kuiuka, kuma ene abhangi-a-mbote, anga a tènda akuâ, uixi:

Luka 18:9 ပူးပေါင်းရင်းမြစ်များ

Jisabhu 30:12

Sai-ko muiji ua athu u di mona kuzela ku mesu mê-muène, o uene-phe nuka a u sukuile o dixidilu diê.

Izaía 65:5

aia ni ku di ambela mudiâ, exi-phe: Suetuka koko, ku ngi zukame, mukonda eme nga beta kuzela moxi eie ndenge. Enhá a di-bhange dixi mu mazulu mami, edi kala túbhia tua uama kumbi dioso dia kambàmba.

Izaía 66:5

Ivenu kizuelu kia Jihova, enu oso muala ni uoma ua kizuelu kiê; jiphange jenu, oso a mi zemba, ia ene ku mi takujula dikanga mukonda dia dijina diamiʼeme, exi: Jihova a mu fumanese; mbebhu tu mone o kusanguluka kuenu, maji eneʼô-phe sonhi ja-nda kua kà a kuata.

Ijila 13:32

O mu kizuua kia kasambuadi a mu tonginine lua mukuá, o kia sanga kuila dibakʼodio dia ngònga ki dia sanhe dingi, ki dia bhana ue ndemba ia kusuluka, ki dia tomboka ue kinéne o kikonda ki kiala ndenge,

Luka 10:29

O mesene ia Kitumu-phe mukonda uandala ku di bhembula, uambela Jezú, uixi: O mukuetu-phe nanhi?

Luka 15:2

Jifalizeu ni akua kulonga o Kitumu a kala mù ngonga, exi: Muthu iú u tambulula akua ituxi, hé u dia-nâ.

Luka 16:15

Jezú-phe anga ua ambela, uixi: Enuenu mu akua kudiuabhesa bhu pholo ia athu, Nzambi-phe ua mijiia o miẋima. Kuma sai ni kima a ki ximana mu ʼaxaxe ka athu, kua Nzambi-phe ufusa.

Luka 18:11

O falizeu anga uimana, u kala mú samba ni muẋima uê kiki: Nzambi nga ku sakidila, mukonda ki ngala kala athu amukuá, ala mií, inguángua, ati-a-jiphànda. Nga ku sakidila dingi, Ngana, kuma o mukua kutambula lubhaku iú ngó, eme ki nga sokela-nê.

Luka 19:7

Ene oso-phe kia ki mono, a kala mù fueta-fueta, exi: Ialʼú uaii mù di langeka mʼ onzo ia mukua ituxi!

Luka 7:39

Falizeu-phe ua mu ixanene, kia ki mono, uedi ni muẋima uê, uixi: Muenhú se ua kexile polofeta, ueji kuijiia mbutu ia muhatu uoso ua mu mu kuata kiki, kuma mukua-ituxi.

Nzuá 8:48

Jijudé anga ji mu kumbulula, exi: Manhi ki tu ambe kidi kietu kuma eie u mukua-Samádia, uala ni dimonho?

Nzuá 9:28

Ene anga a mu xinga, exi: Eiemuène u xibulu iê! Etu-phe tu jixibulu ja Mozé.

Nzuá 9:34

Ene a mu vutuila, exi: Eie u muthu a ku vualela mu nzungule ia ituxi, ua-nda ku tu longa etu? Mu dilombe anga a mu kaiesa-mu.

Jipoxolo 22:21

Bheniobho Ngana uixi-phe: Katuka! Eme ngi ku tuma ku makanga, ku matumbu, ió oso ki Jijudé.

Loma 10:3

Edi ni kukamba kuijiia o kulunga kua Nzambi kuijiia mu kuxikana, ni kubhindamanea o ku di lungisa mu kidifua kiâ ene, iá a ditunu kubelesela o kidifua ki bhangesa Nzambi kuẋikina muthu ni, ku mu lungisa.

Loma 14:10

Eie-phe uelêsela-hi phangʼ iê? Mba phangʼ iê, u mu tobhesela-hi? Kuma etu-ene-oso hádia tua kèmana bhu pholo ia Nzambi, phala Muène ku tu fundisa.

Loma 14:3

Uoso-phe udia, ima ioso, ka tobhese ió u kamba kudia. O ió u kamba kudia, kelêse ió mukua kudia; mbata Nzambi ua mu tambulula.

Loma 7:9

Mukonda mʼokulu, ki nga kambele kuijiia o Kitumu, eme nga kexile ku muenhu. Maji kieza o kijila, eme nga kʼijiia, ituxi ia phaphumuka, eme ngafu.