Luka 18:23 - O Mikanda Ikola

²³ Muène-phe kievu kiki, malamba a mu kuata; mukonda mukua itadi iavulu.

Luka 18:23 ပူးပေါင်းရင်းမြစ်များ

Izekiiele 33:31

Ene anga eza kokué, kala o mundu ki uejidila kiá o kuiza, hé a xikama bhu pholo ié-eie, kala mundu uami, anga evua muene o maka oso u uà tela, maji ka xikina kuia ni ku a bhanga; mukonda a bhomba ni dikanu diâ, maji o muẋima uâ uala ku kaiela o unjenje uâ.

Matesu 19:22

Munzangala-phe ki evu makʼama, uai ni mukondo, kuma mukua jimbongo javulu.

Marku 10:22

O munzangala anga u sonoka pholo ki evu o hundu iíi, anga u tunda-bhu ni mukondo, kuma mukua jimbongo javulu.

Luka 12:15

Uambela enhoso, uixi: Ividilenu kiambote! Alukenu, mu di lange ku luímbi, mukonda o muenhu ua muthu ki u tundu mu umvuama uê ua kuvula o jimbongo.

Luka 18:22

Kia kʼivu, Jezú u mu ambela, uixi: Kua ku kambe hanji kima kimoxi: Sumbisa ioso i uala na-iu, o kitadi u ki uanene o jingadiama, phala u kale ni jimbongo mu diulu. Nda uize kiua, u ngi kaiele eme.

Luka 18:24

Jezú kia mu mono ua susula, uixi: Kubhonza kuahi, ala ni itadi kubokona mu Utuminu ua Nzambi!

Luka 19:8

Bhenhobho Zakeu anga uimana bhu pholo ia Ngana, u mu ambela, uixi: Ngana, kaxaxe ka jimbongo jami, ngi ka bhana jingadiama. Se bhuala muthu nga mu-di mangonha, mu kubhana o lubhaku, ngi mu fute-kiu mu luuana.

Luka 21:34

Mu ku zubha, Jezú uixi: Alukenu-phe, ki mu di jimbe! Miẋima ienu ni i biluke ia neme ni kúdia jifesa, ni kunua uhôlua, ni makubhindama ma muenhu iú, kizuua kiókio ni ki mi tukumuise kala mubhetu.

Luka 8:14

O ia sonoka mu ʼaxaxe ka minha, enhá évua, o ku pholo ku aia a xala mu mvunde ia maluimbi ni jimbongo, ni mísendu ia muenhu iú, ka bhana kibundu ni kíbhi.

Efezo 5:5

Ijiienu-kiu mu kidi, kuma muthu uala ndumbu, kifusa, mukua luimbi, kuma luimbi lua tokala ni ubhezelu ua iteka, kala ni undundu ua kima mu Utuminu ua Kristu ni Nzambi.

Filipe 3:8

Kidi kiene, ima iosololo ngi i kita kingoho mu ujitu ua kuijiia Kristu Jezú, Ngana iami. O mukonda dia muène, ima i nga kuatele, nga i texi dikanga, ioso ia di boto. Ememuene-phe nga i kiti dixilu, phala ngi nganhale Kristu, nda ngi kondamene kua Muène.

Kolose 3:5

Uila kiki, o jihânji jenu ja mu ngongo jala kukalakala moxi dienu, jibhenu-ju: ni undumbu, ni ufusa, ni hânji jaiibha, ni vondadi jabolo, ni luimbi, ku ma o luimbi lua soko ni kukaiela iteka.

I Nzuá 2:15

Kana kuzola o mundu, mba o ima iene ku mundu. Kuma enu se mu zola o mundu, Nzambi Tata ki mua mu zolo.