Luka 18:13 - O Mikanda Ikola

¹³ O mukua kutambula lubhaku-phe, uemana dikanga, ka bhumina kuzambula mesu ku diulu, maji u di bunda bhu thulu, uixi: Nzambi, ngi kuatele henda, eme ngi mukua ituxi.

Luka 18:13 ပူးပေါင်းရင်းမြစ်များ

II Samuuele 12:13

Davidi anga u ambela Natane, uixi: Nga te kituxi kua Jihova. Natane anga u ambela ue Davidi, uixi: Kidi, maji Jihova ua ku loloka kiá kituxi kié, kua-nda kufua, kana.

II Malunda 33:19

Ni musambu uê ua sambela Nzambi, ni kioso Ngana Nzambi kia mu tambuijila anga u sosoloka mu kutema kuê, ni kituxi kiê kioso ni mulonga uê, ni ididi ioso ia tungile matala anga u i kuna mixitu ni ku ta-mu iteka ia kusonga, kioso hanji sobha kiluua a toloka kua Jihova, tala ima ioso iii a i soneka mu madivulu ma akua kuzambula.

II Malunda 33:23

Maji ua tokoka o ku tolokela Jihova kala kia tolokele Manasa dia tatʼâ; muene-phe kia mu kexile kota o kuvudisa dingi o ikuma ni milonga iê.

Ejidala 9:6

Nzambi iami, tata! Nga tandanganha ni jisonhi, ki ngi tena kubhetula pholo iami ni kutala kokué, u Nzambi iami! Mbata ikuma ietu ia di sokolola bhu thalʼa mítue ietu, o kuêla kuetu kua tuta muene ku diulu.

Jobe 42:6

Kienʼiki kia ngi bhekesa ku di kuma eme-muène; nga diela muene, nga dimbuluka mu fufuta ni uthôkua.

Jisálamu 106:6

Ituxi tua i ta jinga kala o jitata jetu, tua bhange muene kuxibhaka ni kubhukumuka; tua bhange muene kiaiibha.

Jisálamu 119:41

Jihenda jé jize ji ngi sange, u Jihova, ni kubhuluka kuene ku tuevila ku maka mé.

Jisálamu 130:7

Dielela kua Jihova, u Izalaiele, kuma kua Jihova sai-ku jihenda ni kulenduka; kua muene kuala ue kubhanduluka kua vula matelu.

Jisálamu 25:11

Nga ku diondo, mu dijina dié, u Jihova, ngi loloke o kubhukumuka kuami, mukonda kuavulu!

Jisálamu 25:7

Kana kuxinganeka kuzangata kuami kua undenge; mba u kaiela o itondalu iami, né nga ku bhukumukina, ngi kuatele henda mu kiadi kié, u Jihova.

Jisálamu 40:12

Kuma mavuua ma vudila-ku ma ngi phopheka; o ikuma iami ia ngi kaie, ia ngi kuata, katé ki ngi tena ngó kubhetuluka. O ikuma iami kota mu kuvula, jindemba mu mútue uami ndenge. Kia bhekesa muẋima uami kuia ku kiambu.

Jisálamu 41:4

Eme ngedi, ngixi: Eie u Jihova ngi kuatele henda; ngi sake o muenhu uami kuma nga te ituxi ko kué.

Makatukilu 33:10

Mundu uoso anga aia ni kumona o philadi ia dituta iemana bhu muelu ua balaka; mundu uoso anga emana, a bheza Jihova, kala muthu bhu muelu ua fundu iê.

Izaía 1:18

Izenu-phe kiá, mu ngi sambulule, eme Jihova. Né-mbé ituxi ienu ia kusuka kala husu, ia-ndu zela mukuâ ni neve (o kikulakaji); né-mbé iedi nguí kala hundu, iila muene phalatatá mukuâ ni kindemba kia mbudi izela.

Izaía 6:5

Bheneʼobho ngixi-phe: Kokolo diami! Eme ngafu-ó! Mukonda ngi muthu nga xidi mu kanu, eme nga tunga muʼaxaxi ka mundu ua kasana o dikanu, o mesu mami ia a mono Muenexi, Jihova dia Ilômbo Ieta!

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Izekiiele 16:63

mbé uie ni ku ki lembala, sonhi jende ni ku ku kuata, mu ima ioso i ua bhange, phala kioso ki ngi diʼondolola nʼeie, ki mungu dingi u jikula dikanu mukonda dia jisonhi—kiene kia tange Jihova Nzambi.

Daniiele 9:5

etu tuate ituxi, tua bhalumuna mulonga, tua bhange kubhukumuka, tua ku balukila, o mu ijila ié tua tundumu ni mu itumu ia mabatuilu mé;

Matesu 10:3

Felipe ni Matulu; Tomé, ni Matesu dia mukua kutambula lubhaku; Tiiaku, monʼ a Lufeu, ni Tadeu.

Matesu 6:5

O ki mu samba, kana kukala uila akua mangonha. Kuma ene a uabhela kuimana ni kusamba mu malombe, ni mu jiphambu mu nzunga, phala athu ku a mona. Ngi mi ambela kidi, ene a tambula kiá kisakidilu kiâ.

Matesu 9:13

Ndenu-phe mu di longe kioso ki kia jimbulula, kuila: Nginda o ku kuatela mukuenu henda, ki ngindi sata; kuma eme ki ngeza mu kuixana athu aiuka, maji akua ituxi.

Marku 11:25

O ki mu kala mu kuimana ni kusamba, se kuala muthu mua mu kala ni phonzo, mu lolokiene, phala o Tatʼenu uala mu diulu a mi loloke ue ikuma ienu. [

Luka 17:12

O kia bokona mu sanzala ia mukuá, u takana ni kuinhi dia muthu a kate kikunzu, ene-phe emana dikanga.

Luka 22:41

Anga u axa kadikanga ngó ka kuila ditadi u di takula-bhu. U fukama, anga u kala mù samba, uixi:

Luka 23:48

Kifuẋi kioso ue kia bhongoloka mu kutala, kia zubha kumona ioso ia bhiti, lamba dia a kuata, a muangana ni ku di bunda bhu jithulu.

Luka 5:8

Ximá Phetele-phe kia ki mono, u fukama bhu inama ia Jezú, uixi: Ngi tundile, Ngana, bhu mbandu iami, mukonda eme ngi mukua ituxi.

Jipoxolo 2:37

Ene-phe ki evu kiki, kia a talakanha ku miẋima, anga ambela Phetele ni jipoxolo jamukuá, exi: Akuetu, etu tu bhanga-phe kiebhi?

Loma 5:8

Maji o Nzambi-phe ua tu idikiza o henda ia muène ia tu kuatela; mukonda kioso ki tua kexile hanji tu akua ituxi, kiene kia tu fuila Kristu bhu kididi.

II Kolindo 7:11

Talesenu kioso kia bhange Nzambi ni mukondo uenu: Muene ua mi bhangesa kukala mu athu a ujitu dingi, kienhokio ue enu mu edikiza kuma ki muala ni kuêla. Kuthathamana kuahi ngó ku mua kexi na-ku! Uôma uahi u mua kexi na-u, ngunzu iahi i mua ngi kuetelele, muanu uahi, lusolo luahi ngó mu kubazela kiaiibha! Mu ima ioso iii mua dʼidikiza kuma mua zele mu mulonga uenhó.

I Timote 1:15

O ulongelu iú uene ua kidi, ua tokala ku u xikana ni ku u tambulula ni muẋima uoso, kuila: Jezú Kristu uejile mu ngongo mu kubhulula akua ituxi. O ku akua ituxi oso eme ngi kota,

Jihebeleu 4:16

Uila kiki, tu bhiẋidienu bhu kiandu kia kiadi sé hele, phala Nzambi a tu kuatele henda. Bhenhobho tua kà tambula o kiadi ki tena ku tu bhandulula mu kumbi dia kubhondalala.

Jihebeleu 8:12

Anga Eme nga kà loloka o ibhengele iâ, o ituxi iâ ki ngà i lembalala dingi.