Luka 18:11 - O Mikanda Ikola

¹¹ O falizeu anga uimana, u kala mú samba ni muẋima uê kiki: Nzambi nga ku sakidila, mukonda ki ngala kala athu amukuá, ala mií, inguángua, ati-a-jiphànda. Nga ku sakidila dingi, Ngana, kuma o mukua kutambula lubhaku iú ngó, eme ki nga sokela-nê.

Luka 18:11 ပူးပေါင်းရင်းမြစ်များ

Jisálamu 134:1

Kiókole! Benzelenu Jihova enu oso mu jiselevende ja Jihova, muene mu kuimana mauusuku moso, monzo ia Jihova.

Jisálamu 135:2

Enu muemana mʼonzo ia Jihova, mu lumbu lua dizemba dia Nzambi ietu.

Jisabhu 20:6

Avuluʼâ akua ku di-ta jinzabala, exi tu athu ambote; maji o muthu uala muene ni kitongola, mukua-hi muene ua mu bongo kiá?

Jisabhu 30:12

Sai-ko muiji ua athu u di mona kuzela ku mesu mê-muène, o uene-phe nuka a u sukuile o dixidilu diê.

Izaía 1:15

Uila kiki, kioso ki mú sunununa o maku menu mu kusamba, mesu mami, kokuenu, ngi ma sueka; xi, kioso ki mu vudisa o misambu ienu eme ki ngi ivu, mukonda o makuʼenu ezala manhinga.

Izaía 58:2

Sumbala kiene, maji kizuua ni kizuua ene ku ngi sota, kia a uabhela muene kudilonga mauendelu mami, edi kala povo iambote, ia di tumu ni Nzambi iâ; ala ku ngʼibhula kioso kienda o jiphangu ja ulungilu, a uabhela kuzuama kua Nzambi.

Izaía 65:5

aia ni ku di ambela mudiâ, exi-phe: Suetuka koko, ku ngi zukame, mukonda eme nga beta kuzela moxi eie ndenge. Enhá a di-bhange dixi mu mazulu mami, edi kala túbhia tua uama kumbi dioso dia kambàmba.

Jelemiia 2:28

O jinzambi jé-phe ji ua di iudikila jala kuebhi? ji balumuke se ji tena ku ku kudila bhu kithangana kia ku bhondalala kué: Mbata jinzambi jé, u Juda, ja soka ni ji sanzala jé mu kuvula.

Jelemiia 2:35

Eie-phe hanji ua mu kuila: Nga di zele, kia kidi muene, o njinda ié ia ngi kungu. Talesa nga-nda kufunda nʼeie, kuma eie uambe: ki ngatʼiami kituxi.

Izekiiele 33:31

Ene anga eza kokué, kala o mundu ki uejidila kiá o kuiza, hé a xikama bhu pholo ié-eie, kala mundu uami, anga evua muene o maka oso u uà tela, maji ka xikina kuia ni ku a bhanga; mukonda a bhomba ni dikanu diâ, maji o muẋima uâ uala ku kaiela o unjenje uâ.

Mikeia 3:11

O atumini-â, milonga a i batula ni kutambula maujitu, o jinganga jâ mu kulonga a longa ni kukinga ku a futa, o jipolofeta jâ kiela kuzambula, azambula phala kutambula kitadi; anga a tatela Ngana, exi: O Ngana muene, mbé ki iú-ue-iú muʼaxaxi ketu? Ki bhuala kia ibha ki tu bhiẋila.

Matesu 10:3

Felipe ni Matulu; Tomé, ni Matesu dia mukua kutambula lubhaku; Tiiaku, monʼ a Lufeu, ni Tadeu.

Matesu 5:20

Mbata eme ngi mi ambela na-kiu, se kuiuka kuenu ku kamba kutunda o kuiuka kua jimesene ja kulonga o Kitumu ni jifalizeu, muà lémbua kubokona mu Utuminu ua Diulu.

Matesu 6:5

O ki mu samba, kana kukala uila akua mangonha. Kuma ene a uabhela kuimana ni kusamba mu malombe, ni mu jiphambu mu nzunga, phala athu ku a mona. Ngi mi ambela kidi, ene a tambula kiá kisakidilu kiâ.

Marku 11:25

O ki mu kala mu kuimana ni kusamba, se kuala muthu mua mu kala ni phonzo, mu lolokiene, phala o Tatʼenu uala mu diulu a mi loloke ue ikuma ienu. [

Luka 20:47

A tobhesa atudi a ahatu anga a hábula o mabhata mâ. O mu kusueka o mangonha mâ, a bhana misambu ialebha. Enhá a-ndu beta kuêla mu kizuua kia kufundisa.

Luka 22:41

Anga u axa kadikanga ngó ka kuila ditadi u di takula-bhu. U fukama, anga u kala mù samba, uixi:

Ngalásia 3:10

Oso-phe a dielela mu kutumaka o imbamba ia Kitumu, ala ni mázui ma Nzambi ku thandu diâ. Kuma kiosoneke mu Mikanda Ikôla, exi: Uoso u kamba kuenda ni kubhanga ima ioso iosoneke mu Divulu dia Kitumu, uala ni mázui ma Nzambi ku thandu diê!

Filipe 3:6

O mu muanu ua kualuka o Kitumu, nga kexile ngi muzukutixi a Ngeleja. O mu kuibhula o kulunga kua kulungila mu kukumbidila o Kitumu, eme ki ngi ki tondala ni kima.

Dijingunuinu 3:17

Mukonda eie uambe, uixi: Ngi mvuama, nga mono jimbongo, ioso ngala na-iu ki nga bhindamena kima. Maji kua kʼijiia ngó kuila uala u sébhue, ua tate! Uala u ngadiama, u kifuôfo, u mukua tuẋi!